ھەپەگە ناسنامەو(١١) گەریلاېاش ئاشکرا کەرڎە، کە بە چەکی کیمیاویی دۊڵەتوو ترکیەی شەھیڎۍ بیێنۍ، ېۊ چا شەھیڎا نامێش "باوان محەمەڎ"ا و ئشناسیان بە "ھەڵمەت ڤیانا" و خەڵکوو شاروو سلێمانین . سەوای جە مزگیی مامۊسا "عەبدولکەریمی مودەڕیس"ی پەرسەش پۍ منریۊرە.
دلێنەو ئەرەیاونای و چاپەمەنیی ھێزەکاو پارێزناو گەلی (ھەپەگە) پی جۊرە زانیارییش وەڵا کەردۊ:
بە مەڵامەتوو بەکارئارڎەی چەکی کیمیاوی جە لایەنوو دۊڵەتوو ترکیەی ئەرەگیرېوە، جە ڕۊدېاروو ( ٥-١١-٢٠٢٢) یۆ (١١) گەریلۍ قارەمانۍ شەھیڎۍ بیۍ . ېۊ جە شەھیڎەکاېچ خەڵکوو شاروو سلێمانین.
وەھاب مەسۊیی ؛ ئەنڎاموو خانەواڎەو شەھیڎاو پەکەکەی جە پانیشتوو کورڎسانینە بە "ڕۊژنیوز"یش وات: سەوای جە مزگیی مامۊسا "عەبدولکەریمی مودەڕیس"ی سەعات (2:00) دمانیمەڕۊی مەراسیموو پەرسەو شەھیڎ ھەڵمەت-ی ملۊ ڕاۋە و داواکارێنمۍ، کە گرڎ بەشڎارۍ پەرسەکەی بیمۍ، ئینە ئەرکێوە نیشتیمانی و نەتەوەیی.
ھ.ئ
