سوپاو ئیسرائیلی کوشتەو حەسەن نەسڕوڵایش ئەرەیاۋنا
ئیسرائیل ئەرەیاۋناش، کە رابەرو حزبوڵای حەسەن نەسڕوڵا کوشیان.
ئیسرائیل ئەرەیاۋناش کە جە ئاکاموو ئا هرووژمە ئاسمانیەی کە کریا سەرو بەیروتو پایتەختو لوبنانی ئەمیندارو گرڎیی حزبوڵاو لوبنانی کوشیان.
واتەواچو سوپاو ئیسرائیلی نەداڤ سۆسهانی جە ڕاوپەلیانەو ئیکسیۆ وەڵاش کەرڎۆ کە: "حەسەن نەسڕوڵا کوشیان".
جە ئەرەیاۋناکەو سوپاو ئیسرائیلنە هەرپاسە ئامان، "حەسەن نەسڕوڵا ئیتر نمەتاوۆ بۆ بە مایۍ تەرسۍ و تۆقناو جەهانی".
تائیساتۍ حزبوڵا جە بارەو چارەنویسو حەسەن نەسڕوڵایۆ هیچ ئەرەیاۋنێوەش نەڎان. بە پاو دەزگاکاو ئەرەیاۋناو ئێرانیچ حەسەن نەسڕوڵا زیڼەن.
