شاروو وینترتوروو کانتۆنوو زوریخوو سویسراینە خولوو فێربییەی زوانی کوردیی پێسەو بەشێوە ئاسایی جە ساڵەو وانای ٢٠٢٤-٢٠٢٥ دەسش پەنە کەرد.

یوەم وانەو وەرزی تازەو ناوەندوو گلێرگەی کوردیی وینترتورینە لوا ڕاوە.  

بانگەوازوو خاوەندارێتیی وەنەو کوردی و کوردسانی کریا

ئەوەڵ زارۆڵێ و بنەیانەکێشا بە واتەی سروودەو ئەی ڕەقیبی، دەیەقێوە ڕێزشا گێرت. دمایی مامۆسا ئیسماعیل دەمیر باسوو خولەکاو زوانیشا کەرد وەرزی تازەنە و واتش:" زوانی کوردی بییەیمانە و ئەگەر زوانی کوردی نەبیێ گەل و وەڵاتما نەبێ و دەمیر واتش: "دووێ چێوێ پەنەوازێنێ پەی مەکتەبی، ئەوەڵ زوان. ئەوی تەر وەڵاتا. زوانما کوردییا و وەڵاتەکەیچما کوردسانا یانێ مشۆم خاوەنداریی وەنەو وەڵاتی و زوانیما بکەرمێ."

عەلی شیمشەک بەنامێ ئەنیستیتۆو کوردو سویسرایوە واتش: "ئێمە بۆنەو زوڵمیوە وەڵات و زوانەکەیماوە دەربەدەرێ ئێگەی بیێنمێ، باوڕم چانەنە کە بەهەوڵەکاما و گلێرگەکەیما و ڕەوتوو تارێخی ئامانجوو وێما بەدەس مارمێ، پێوە بەئازادیی دلیشنە مژیومێ."

زارۆڵێ و بنەیانەکێشا بە جۆشۆ خێرامای فرەشا جە خولوو وەرخی تازەو وانای زوانی کوردیی کەرد.