تەرمو گەریلاو هێزەکاو پارېزنای گەلی (هەپەگە) زەردەشت سوروچ (ئادەم ئۆزکان) کە ١و ئەیلولینە جە هرووژمۍ ئاسمانی دۆڵەتو تورکی ئەرەگیرینە جە کەشو باگۆکینە گەشمەرڎەبیەبۍ، جە دەگاو زۆنجکی پرسوسی ئەسپەرڎە بە خاکی کریا.

دماو بەرشیەی ئەنجامو وشکنای دی ئێن ئەی بنەیانەو گەریلا زەردەشتی، تەرمەکە جە بەشو توێکاری خەسەخانەو فێرکاری مێردینی هۆرگیریاوە و فاڕیاوە پەی دەگاو زۆنجکی.

قەبرسانو دەگاو زۆنجکی جە لایەنو سەڎان سەروازاوە تەوقە دریابۍ، جگە جە بنەیانەکەیش ناستشا کەسی تەر بەشداری جە بە خاک سپاراو تەرمەکەینە بکەرۆ، هەرپاسە ڕایچشا چانەی گێرت کە نما و مەراسیمی ئاینی سەرو تەرمەکەیۆ ئەنجام بڎریۆ.

قەرارا تەعزیەو گەشمەرڎە زەردەشت سوروچ-ی جە ناوەندو پرسوسی و جە یانەو تاتەیشەنە بلۆڕاوە.