ھامسەرۊکا تەڤگەرو ئازاڎیی جە بارەو ئەرەگێرتەو جۋاناۋە جە ناحیەو تەکیەی چالاکېێشا ئەنجامدابۍ و ئەرەیاۋنێۋەشا ۋەڵاو کەرڎۊ، چڕیەیشا پۍ ئازاڎ کەرڎەو جۋانا کەرڎ و ئەرەیاۋناشا کە گێرتەو جۋانا نېا مەسڵەحەتو جۋانانە.
تاراحسێنەو و سەلام عەبدوڵا ھامسەرۊکا تەڤگەرو ئازاڎیی جە بارەو چالاکی جۋاناو گێرتەو ٩جۋاناۋە جە تەرەفو ھێزەکاو ئاسایش و چەمچەماڵی-ۊ ئەرەیاۋنێۋەشا ۋەڵاوکەررڎۊ.
ئەرەیاۋناکە پی جۊرەنە:
ئێمە نزیکۍ بیمێۋە جە ڕۊو سیاوو ١٥ شوباتی، کە ٢٤ ساڵې ۋیەرد سەرو پېلان گێلناو مېان دۊڵەتی سەرو ڕابەری ئاشتی وازیمارە، ئی ڕوۋۍ پۍ گەلو کورڎی و ئازاڎیی وازاو جمېەرو ئازاڎیی یاڎێۋی تاڵو سیاوێنۍ و ساڵانە ھەزاران چالاکیېۍ جېاوازۍ چی ڕوۋەنە ملا ڕاۋە، سەڎان کەسۍ ۋێشا کەرڎ قوربانی پۍ ئی ڕووەیە و ئاماڎۍ گېان بەخشاینۍ، ئانەی چی ڕوانە ئاستەنگ پۍ چالاکېەکا ۋەش کەرۊ چ جە کورڎسانەنە یان جبەرو ۋڵاتېۊ تەنیا شەرمەنڎەیی و ڕووسېاۋی بەشەشەنە، چونکی ئی ڕوۍ ڕوۍ سازشی و پەشېمان بیەیۊ نېەنۍ. باجەکەش حەرچی بۊ ئازاڎیی وازۍ مراش، ھوێڎەوارەنا کۊشیێکۍ ئێساڵی بە عالی و بۍ گرفت بلانۍ ڕاۋە. ھێزە ئەمنېەکێچ چ جە پانېشت یان جە ھەریاگۍ تەر ھامکارۍ با نەک دژۍ با، چونکی دوژمنایەتی ئی ڕووا تەنېا خزمەت بە دوژمناو ئەرەگېراو کورڎسانی کەرۊ، دژ بە خەتەو پێوەرەبېەیو مەسڵەحەتو گەلەکەیمانە.
ھێزی شەۋۍ چن جۋانۍ چالاکیۍ شۊڵەچراوێشا جە ناحېەو تەکېەی ئەنجامدان، جە تەرەفو ئاسایشو چەمچەماڵی-ۊ ھجومشا کریان سەرو ئانەی تا ئېسە زانیان ٩ جۋانۍ بۍ سەرو شۊنێنۍ، حەر ئېسە داواو ئازاڎکەرڎەو ئا جۋانا کەرمێنە، چونکی چالاکیێۋە مەڎەنی و بۍ کێشەو گرفتشا کەرڎەن، ئاستەیشاوە جە گێرتەخانەنە بۍ مەعنان خزمەت بە گەلەکەیما مەکەرۊ.
ھ.ش
