دکتۊر لەتېف نەجېب قەرەداغی ماچۊ؛ تەۋەنەو زراوی جە ماڎێۋی ڕەقی ۋەشە بۊ، کە بەشێۋێوی قەبارە جېاواز جە تۊرەکەو زراوېنە ۋەشە بۊو ماچۊ ؛ نېشانەکێش پی جۊرەنۍ " کەسی توشبېە ئێش و شانەی ڕاسېش ېان پەشتیش بۊنە و مەڵامەت و ۋەش بېەیش برېتېا جە کەڵەکە بېەو کۊلیسترۊڵی.
دکتۊر لەتېف نەجېب قەرەداغی؛ پسپۊڕو عەمەلېاتی گرڎی ، جە نۋېستەېێنە جە بارەو مەڵامەت و ۋەش بېەو تەۋەنەو زراوی و چنې چارەسەرکەرڎەیش و نېشانەکێش جە نۋېستەېێنە پی شکڵە زانېارېش ھوست ڕووە کە ئېنە دەقەکەشا .
تەۋەنەو زراوی جە ماڎێۋی ڕەقی ۋەشە بۊ ، کە بە شێۋێوی قەبارە جېاواز جە تۊرەکەو زراوېنە ۋەشۍ با .
تۊرەکەو زراوی ، کە ئېنا چێرو جگەرېنە ، ماڎەی زەرداو کۊکەرۊۋە ، کە جگەر ۋەشش کەرۊ مجېۊ دلۍ دوانزەگرۍ و پۍ ېاردی داو ھەرس کەرڎەی ، زەرداو ئېسفاڎێوە تەرېچش ھەن ئاېچ فڕە داو ماڎەی پیسین جە ڕاو ڕېخۊڵەو دوانزەگرێۋە .
نېشانەکۍ کەسی توش بېەی بە تەۋەنەو زراوی چێشا ؟
١ . ئێش و لەمۍ جە لاو سەرو و بەش و ڕاسېۊ .
٢ . ئێش و شانەی ڕاسی ېان پەشت ئێشەی .
٣ . دڵ تێک شېەی و ڕشېاېۊ .
٤ . دڵە کزەو ھەست کەرڎەی بە پەڕی گەېڎۍ و سەرف نەبېەو واردەی و کۊبېەېۊ ھەوای دلۍ لەمێنە .
٥ . ېاوو لەرز بە مەڵامەت و ھەوکەردەو تۊرەکەو بۊرېەو زراوی .
٦ . زەرد ھورگێڵای پۊسی و چەرماېی چەما .
٧ . تۊخ بېەو ڕەنگەو گمێزی و کاڵ بېەېۊ ڕەنگەو پېساېی .
مەڵامەتەکۍ ۋەش بېەو تەۋەنەو زراوی چێشێنۍ ؟
١ . کەڵەکەبېەو کۆڵسترۊڵی .
٢ . کەڵەکەبېەو بېلېروبېن-ی جە لاشەنە بە مەڵامەت و نەوەشی ونۍ ېان پەککەوتەو جگەری
٣ . زەعېف بېەو تۊرەکەو زراوی ، کە نەتاوۆ بە عالی زەرداوەکۍ ھاڵېە کەرۊوە .
مەڵامەت و تەرسۍ پۍ توش بېەی بە تەوەنەو زراوی چێشا ؟
١ . ئا کەسۍ کە کتوپەڕ ۋێشا زەعېف کەرا .
٢ . فرە وارڎەو چەربی .
٣ . قەڵەوی .
٤ . دووە گېان بېەی .
٥ . ۋەرزش نەکەرڎەی .
٦ . نەوەشی ونێ و جگەری .
٧ . ھەوکەردەی درێژ مەوداو ڕېخۊڵەکا پێسە نەوەشی (کرۊن)ی .
٨ . دەرمان و وەزناېرە کۊڵېستڕۊڵی .
٩ . بېەو نەوەشېەکەی جە ئەنڎاماو تەرو خێزانەکەېنە .
١٠ . جە ژەنانە فرەتەرە بەتاېبەت سەرو ٤٠ ساڵاۋە .
دەس نېشانکەرڎەو نەوەشېەکەی بە چ ڕێوە کرېۊ ؟
سۊنەر- تېشکەو تەنوری CT Scan وشکنای موگناتېسی mrcp وشکناېو سۊنەر جە ڕاو وېناو دلۍ لەمێۋە ercp+eus
دەرئەنجامەکۍ ۋەش بېەو تەۋەنەو زراوی چێشێنۍ ؟
١ . ھەوکەردەی تۊرەکەو زراوی کە ڕەنگە بېاوۊ ئاست و تەقاو تۊرەکەکەی .
٢ . گېرېاو بۊرېەو زراوی و ھەوکەرڎەو پەنکرېاسی .
٣ . شێرپەنجەو تۊرەکەو زراوی .
چارەسەرکەردەو تەۋەنەو زراوی چنېنا ؟
ئەگەر تەۋەنەکۍ ڕووەو گۆرە بېەی لوا ېان ئەگەر چن تەۋەنێۋە گولانۍ ۋەشێ بېۍ ، کە ئەگەرو دروس کەرڎەو کێشەیش بۍ جە بۊرېەو زراوېنە ېان نېشانێش بۍ ، ئانە پەنەوازش بە عەمەلېاتی ھەن ، کە فرەو ۋەختی بە ناضور عەمەلېاتەکە کرېۊ ، جەچن حاڵەتێۋە ترسناکەنە چانەنە قەرارو عەمەلېات و کەرڎەېۊ لەمۍ درېۊ ،ئانێچ کە نەوەشی لاوەکېشا ھەن و عومرشا فرەن مەگونجېا پۍ عەمەلېاتی ، دەرمان و تاوېاېۊ تەۋەنەو زراوېشا پۍ منۋېسیۊ .
ھ.ئ
