هامسەرۆکۆو گرڎینەو دەم پارتی تولای حاتەم ئۆغیۆلاریە جە گلێرۆبیەو پارتەکەیشەنە جە پەڕلەمانەنە هۆرسەنگنایش پەی پرس و پێشئامایە گەرمەکا کەرد.

حاتەم ئۆغیۆلاریە جە قسەکاشەنە ئاماژەش پانەی دا کە بەنامۍ سیاسەتو ئاسایش و سەقامگیرییوە گەلا تورکیای ڕوو بە ڕوو هەژاری بیێنێوە. درێژەدای پی پرۆسەیچە بناغەو کێشەکا گلێرگەین. ئانەیچش وست ڕووە کە سیاسەتو ئەمنیەتی بیەن بە مەڵامەتو جە یۆترازیای و پەرتەوازەیی گەلا ڕەسەنۍ هەرێمەکەی.

'موخاتەب و پەرسو کوردی، ئاشتی تورکیای و ۋەرکۆتوو مېیامینی ئێژا ئۆجالانا'

جە بەردەوامیینە حاتەم ئۆغیۆلاریە جەختش سەرو ئەرەکۊشایشا کەردۆ پەی چەسپنای ئاشتی جە تورکیانە و پی جۆرە جە قسەکاشەنە بەردەوامە بۍ: "مشۆم ئی حەقەتینیە چەسپنمۍ؛ سیاسەتو جبەرو ئاکەپەی تۆپەکێش شانێنە. بەڵام چارەسەری پەرسەکا کوردی ئینا دەسو ئێمەنە، چارەسەرکەردەی پەرسەکەیچ بە ماناو وەرقەراربیەی ئاشتییا جە هەرێمەکەنە. چارەسەری پەرسو کوردی، ڕێباز و موخاتەبەکێش ڕۆشنێنۍ. موخاتەبو ئاشتی ۋەرکۆتوو مېیامینی و تورکیای ئێژا عەبدوڵا ئۆجالانا کە ئیمراڵیمنە ئینا چێرو گۆشەگیریێوە سەختینە." ئەرەیاۋنایچش دەم پارتی جە پەرلەمانەنە نامونیشانو پەرسو کوردین. بە پاو ئەزموونەکا وەڵتەریما عالمزانمۍ ئاشتیێوە تا کۆمەڵایەتی نەگێرۆوە ئانە نمەتاومۍ ئاشتیێوە حەقەتینە دەسەبەربکەرمۍ.

'لابەردەی گۆشەگیری داواو گرڎ کەسینە'

جە قسەکاشەنە تولای حاتەم ئۆغیۆلاریە سەرنجش وست سەرو گۆشەگیری ئیمراڵی و واتش: "سەرۆکو مەهەپەی جە وتارەو فراکسیۆنەکەیشەنە پەی لابەردەی گۆشەگیری سەرو ئێژا ئۆجالانی قسێش کەردۍ. ماوەو ٤٤ مانگان گۆشەگیری بەردەواما. پەی لابەردەی گۆشەگیری عەیامێوەن ئەرەکۆشمۍ. ڕای گرڎین عەیامێوەن داواو لابەردەی گۆشەگیری مکەرۆ. بە دڵنیاییوە پەنەوازا گۆشەگیری سەرو ئێژا ئۆجالانی لابریۆ." جە دما دماینە ئاماژەش پانەی کەرڎ پېسە دەم پارتی ئاماڎۍ گرڎ کارێوەنمۍ پەی بنیاڎنیای ئاشتی کۆمەڵایەتی".