هامسەرۆکو گرڏی دەم پارتی تونجەر باقرخان جە پەرلەمانەنە قسێش کەردێ و ئاماژەش بە ڕووەدایەکا وەرکەوتوو مییامینی کەرد و واتش: "بەیدێ پێوەرە ڕا کێما دیاری بکەرمێ. با ڕا کێما بانگەوازو ئاشتی و گلێرگە و دیموکراتیکی بۆنە. با ڕاما کۆمارێوە دیموکراتیک بۆنە."
هامسەرۆکو پارتو یەکسانی و دیموکراسی گەلا (دەم پارتی) تونجەر باقرخان جە گلێرۆبییە و پارتەکەیشەنە جە پەرلەمان ڕۆژەڤە هەنووکەییەکێش هورسەنگنێ.
باقرخان جە قسەکاشەنە سەرنجش وست سەر و گلێرۆبییە و شاندو پارتەکەیش جنی مە هەپەی و بە گلێرۆبیێوە بنیادنیای وەسفش کەرد و جە بەردەوامیینە ئاماژەش بە پێشئامای و ڕووەدایەکا هەرێمەکەی کەرد و جەختش چانەیە کەردۆ پەنەوازا پێسەو تورکیای چی پێشئامایا و ڕووەدایێ پێوەرە بە هامبەشی ڕا و دەبازبییەی دیاری بکەرمێ.
باقرخان جە قسەکاشەنە 'بانگەواز ئاشتی و گلێرگە و دیمورکراتیک'و ڕابەر ئاپۆیی بە فریادڕەس نامێش ئارد و واتش: "با هیچ هێز و لایەنێوە تەر ڕا ما پەی دیاری نەکەرۆ. با گەلوو تورکیای ڕا ما دیاری بکەرۆ. با 'بانگەوازو ئاشتی و گلێرگە و دیموکراتیک'ی بۆنە ڕاما. با ڕاما کۆمارو دیموکراتیکی بۆنە. ڕاێوە ورچنمێ کە کۆو نەتەوەکا تورکیایی دلێشەنە یاگێش بۆوە. هەر وڵاتێوە خودو وێش ڕا دیاری نەکەرۆ، بییەن بە وڵاتو جەنگی و ونمتەی. ئەوەکۆشایما پەی ئاشتیین جە تورکیا و وەرکەوتوو دلێڕاسەی."
'بانگەوازو ئێژا ئۆجالانی هەدیێوەن پەی دیاریکەردەو ئایندەیما'
جە بەردەوامیینە باقرخان سەرنجش وست سەر و فرە کلتووری و فرەچەشنی تورکیای و جەختش چانەیە کەردۆ گرڏ و نەتەوەکا جە تورکیادپنە نەتەوەیی ڕەسەنێنێ و واتش: "چی پرۆسەنە تاومێنە بە ڕێککەوتە و نەتەوەیی دیموکراتیکی ڕا پەی زەمینەو یەکسانیێ حەقەتینەی ڕەخسنمێ. بەڵکوم پەی یوەم جاری گەلا وەرکەتوو دلێڕاسەی بەبێ ئانەی بانە دیلو سیناریۆو هیچ کەسێ وێشا سیناریۆو ئایندەو وێشا بنوساوە. پۆکەی ماچمینە بەیدێ پێوەرە سیناریۆو وێما بنوسمێوە. بانگەوازو ئێژا ئۆجالانی هەدیێوەن تا ئانری تاومینە پێوەرە ڕا و سیناریۆو وێما بە هامبەشی بنوسمێوە."
