ۋۍ پارێزېەکۍ توشبېەی بە پەتای جە فەصل و سەرداېنە
جە فەصل و سەرداېنە مشېۊ زېاتەر گرنگیی بە ۋۍ پارێزنای بڎرېۊ ، ۋەرو ئانەی دورۍ بیمۍ جە توشبېەی بە پەتا وەرزېەکا.
چنی ئاماو فەصڵ و سەردای ئەگەرو توشبېەی بە پەتای فرەتەربۊنە و مشېۊ گرنگی بە ۋێپارێزنای بڎرېۊ . تاېبەتتەر دماو ۋەڵا بېەېۊ پەتاو کۊرۊنای خەڵکی توشبېە ، پەتا ۋەرزېەکا تنتەر مگێرا ، سېستمو ۋارڎەیو ۋەرزش و ۋەرمۍ ڕێک ېاردی بەقوەت بېەو سېستمو ۋەرگیری زاڵبېەی سەرو پەتاو ڤاېرۊسە وەرزېەکارە مرڎۊ .
بەشۍ چا خاڵا ېاردی زاڵبېەی مرڎا سەرو پەتا ۋەرزېەکارە ، ۋاردێۋە تەندروست دور جە چەربی و شېرېنی و صۊڵی و فرە وارڎەېۊ ئاوۍ و ۋەرزش کەرڎەی ۋەرڎەوام و ھورلوشتەو ھەۋای پاکی و ۋەرمی خاس و ۋارڎەېۊ چاېی زەنجەفېلی و چنی چاېی لېمۊی ۋەرو ئانەی ھەوکەرڎەی بېنۍ و لوتۍ کەم کەرۊۋە ، ۋارڎەیۊ ئاوۍ گەرمۍ چنی شۊرباۋۍ و ھەرپاسە ئاوی بە لېمۊو ھەنگوېن و زەنجەفېل ، وارڎەی سەوزەو مېۋە بە تاېبەت ئا مېۋۍ کە دۊڵەمەنێنۍ بە ڤېتامېن سی .
پەتا ۋەرزېەکۍ کرېۊ جە ڕاو ڤاېرۊسېۊ ڕاڕەوو ھەناسەو ئینسانی توش کەرۊ ، فاڕېاو کەش و ھەوای و نزم بېەېۊ پلەکاو گەرمی مەڵامەتێنۍ پۍ چالاک بېەو چنڎېن جۊرۍ جە بەکترېای و ڤاېرۊسی و ۋەڵا بېەېۊ پەتۍ .
بەشۍ چا ڕاېا کە پاسەکەرۊ جە کەسی توشبېەېۊ توش و پەتای ۋەرزی بېمۍ ئېنێنۍ " قۊزە ، پژمە ، ۋەرکۊتەی چنی کەسی توشبېەی ، بەکارئارڎەو کەلوپەلو کەسی توشبېەی .
توش بېەی بە پەتای چانەنە بۊ بە مەڵامەت و سەرھۊرداو چن نەۋەشېۍ تەری پێسە " ھەوکەرڎەو گۊشا ، ھەوکەرڎەو کېسەکاو لوتۍ (جېوب) و ھەوکەرڎەو بېنۍ و ھەوکەرڎەو بۊرېەکاو ھەواو سېەکا .
ھ.ئ
