گروپێوە جە ئینترناسیۆناڵیستەکا جە چوارچێوەو هەڵمەتەو 'ئازاڎیی پەی عەبدوڵا ئۆجالانی، چارەسەری پەی پەرسو کورڎی' جە بەلجیکانە پەی دووەم جاری کتێبەکۍ رابەرو گەلوو کورڎی عەبدوڵا ئۆجالانیشا جە بارەو پاڕادایمو نەتەوەی دیموکراتیکیۆ هۊرسەنگنۍ. مژارو ئی جاریە 'گفتوگۆ چنی رابەر ئاپۆ'ی سیستەمو کۆمۆنی و هەرەوەزییەکۍ بێنۍ.

سیاسەتمەدارە شیلان ئامەدە سەرنجش وست سەرو گرنگی 'ڕوانو گفتوگۆی چنی رابەر ئاپۆ'ی و واتش، "پاڕادیگماو نەتەوەی دیموکراتیکی رابەر ئاپۆی جە بارەو پارێزنای ژیۋگەی و ئازاڎیی ژەنۍ، ئیساتۍ جە گرڎ ناوچێوە جیهانینە پېسە چارەسەری گفتوگۆش جە بارۆ مکریۆ. ۋەرو ئانەی گرڎو رەنگ و دەنگو ژیۋای کۆنفیدڕاڵیزمی دیموکراتیکی گێرۆنە ۋێش. کاتێ مرۆڤەکۍ سەرنج بڎا بە پاڕێزنامەکا رابەر ئاپۆی ئینەی ماچا: بە بێ دەوڵەتیچ مرۆڤ متاوۆ ۋێش ڕاوەبەر بکەرۆ. نمونەی دیاریچما پەی ئینەی ۋەرنیشتوو کورڎەسانیا. ۋەرو ئانەیچ ئا پارێزنامۍ ئینۍ ۋەرودەسیمانە جە سەرانسەرو جیهانینە هۊرمسەنگیا و بانۍ بە مژارو ئەوەکۊڵیای.

دماتەریچ ئەندامەو کۆمیتەو ئابوری کۆنگرە ستاری گوڵستان ئەحمەدە جە ڕاو زوومیوە بەشداریش کەرڎ. گوڵستان ئەحمەدە جە بارەو رەهەندو ژیۋای کۆمۆناڵی و هەرەوەزی جە ۋەرنیشتەنە زانیاریش بە بەشدارا دا و باسو دژواری و تەنگوچەڵەمەکاش کەرد.

دماو قسەکا جە بارەو کۆمۆنی و هەرەوەزییەکاوە پرسیارۍ کریۍ. چالاکیەکە نزیکەو ٢ سەعاتاش خواینا.

'ڕوانو گفتوگۆی چنی رابەر ئاپۆ'ی جە ڕوانی ئاینڎەنە و سەرو مژاری جیاجیای بەردەوامۍ مبا.