وەرکەوتوو کورڎسانینە گەنجۍ پیلانگێڵنای ١٥ شوباتیشا شەرمەزار کەرد
ژەنی و گەنجۍ ئاپۊیۍ شارەکاو وەرکەوتوو کورڎستانی، بە چالاکی جیاجیۍ پیلانگێڵنای ١٥و شوباتی دژوو ڕابەروو گەلوو کورڎی "عەبدوڵڵا ئۊجالان"یشا شەرمەزار کرد.
جە وەرکەوتوو کورڎسانینە شارەکاو مەهاباد، مەریوانی و سەقزینە ژەنی و گەنجۍ ئاپۊیۍ چالاکییشا کەرد و پیلانگێڵنای میاننەتەوەیی ١٥و شوباتیشا شەرمەزار کەرد.
گەنجە شۊڕشگێڵنەکاو مەهابادی بە ئەرەیاونایۍ پیلانگێڵنای میاننەتەوەییشا شەرمەزار کەرد و ئەرەیاوناشا، ڕابەر ئاپۊی فێرێش کەرڎێنمۍ، ژەنی، ژیوای، ئازاڎی... کەرمۍ فەلسەفەو کۊشیایما".
شاروو سەقیچنە بە هەمان مەبەس گەنجە شۊڕشگێڵكنەکۍ پەیامێوە ڤیدۊییشا وەڵا کەردۊ و بە درووشموو 'ژەنی، ژیوای، ئازاڎی' پیلانگێڵنای میاننەتەوەیی ١٥و شوباتیشا شەرمەزار کەرد".
ژنۍ ئاپۊیی جە شاروو مەریوانینە بە ئەرەیاوناێوە ١٥و شوباتیشا شەرمەزار کەرد و ئەرەیاوناشا، کە دوژمن مەتاوۊ ڕاگێری جە ویر و فەلسەفەو ڕابەروو گەلوو کورڎی "عەبدوڵڵا ئۊجەلان"ی کەرۊ. حەرپاسە باسشا چانەیە کەرد، کە دروشموو 'ژەنی، ژیوای، ئازاڎی' جە هزروو ڕابەر ئۊجەلانیوە سەرچەمەش گێرتەن و بۊ بناغەنیای گلێرگێوە ئازاڎی بییەن بە دروشمێوە سەرتاسەریی دنیانە".
کۊمیتەو گەشمەردە "ڕێزان"ێچ شاروو مەهابادینە بە وەڵاکەرڎەیۊ ڕسمەکاو ڕابەروو گەلوو کورڎی "عەبدوڵڵا ئۊجەلان"ی پیلانگێڵنای میاننەتەوەییشا شەرمەزار کەرد.
