نویسگەو ئەرەیاونای سەرۊككۊماروو عێراقی ئەرەیاونایێش وەڵا کەرڎۊ، ئارۊ عەبدولـلەتیف ڕەشید، سەرۊككۊماروو عێراقی چەنی سێرگی لاڤرۊڤی، وەزیروو جبەروو ڕووسیا و شاندی یاوەرش كووۍ بیۍ، جە کۊبییەیۊکەینە باسشا جە ڕایەكاو پتەوكەرڎەیی پەیوەنڎییە دووەقۊڵییەكاو و ئاسۊو هامكارییەكاو بەینوو دووە وڵاتە دۊسەکا کرییا.

ئانەیچ نیشانە دریا، جە كۊبییەیۊکەینە باس جە دمایین وەڵێئامایەکا و قۊمیایە مەنتێقەییەکا و بەیننەتەوەییەکا کریا، سەرۊككۊمار تەئکیدش سەروو پێویسییی پتەوكەرڎەی و پەرەپەنەدای پەیوەنڎییەكا و زەروورەتوو وەشكەرڎەی دۊخێوە سەقامگیری و چارەسەركەرڎەی كێشەكا بە ئاشتییانە کەرڎ.

ئانەیچە وزیا ڕووە، باس جە ئەهمییەتوو وەڵێوەبەرڎەی هامكارییە ئابوورییەكاو بەینوو هەردووی وڵاتا كریا، حەرپاسە باس جە پێویسیی هەمئاهەنگی و ڕاوێژكەرڎەی سەبارەت پا پەرسا كە یاگۍ بێتاقەتیی هامبەشینۍ  پەی وەڵێوەبەرڎەی ئاسایش و ئارامیی جە مەنتێقەکەنە و دنیانە.

ڕۊشنیچ کریانۊ، سەرۊككۊمار ستایشوو پاڵپەشتیی ڕووسیایش کەرڎەن پەی عێراقی جە هەڵمەتەو دژەتیرۊری و هەوڵەكاش پەی پارێزنای ئاسایشوو عێراقی، حەرپاسە عێراقییەكۍ جە دەیان ساڵی ویەرڎەنە قوربانیی جەنگی و تندوتیژی بیێنۍ، ئیسەتێنە دۊخەكە جە گرڎوو شارەكاو عێراقینە سڵامەت و سەقامگیرا و پەشتیوانیی گلێرگەی بەیننەتەوەیی هەن پەی حوكمەتی جە مەرزنایرەی ئاسایشی و سەقامگیری و وەڵێکەوتەی جە مەجالەو خزمەتگوزارینە.

  جە وەراوەرنە سێرگی لاڤرۊڤ، وەزیروو جبەروو ڕووسیای كۊبییەیۊكەنە ئەرەیاونانش، ڕووسیا پەی پتەوكەرڎەی پەیوەنڎییەكاش چەنی عێراقی هامكاریی ئابووری و سەروازی و تازەكەرڎەیۊ چێرخانوو عێراقی کەرۊ، ماچۊیچ، عێراق  گەرەکشا دوور گنۊوە جە قەیرانەكاو و زاڵ بۊ ملوو ورچنیە‌و ئاشتیرە جیای جەنگی.

یاگۍ باسین شەوەی ویەرڎۍ شاندێوە وەزارەتوو جبەروو ڕووسیای بە سەرۊكایەتیی سێرگی لاڤرۊڤی، وەزیروو جبەری یاوا بەغداو پایتەختوو عێراقی، ئارۊ سەرسەعب چەنی هامتا عێراقییەكەیش كووۍ بیێوە و دماتەر چەنی سەرۊككۊماری كووۍ بیێوە، قەراریچا چەنی سوودانی و حەلبووسی كووۍ باوە و دماتەر سەرۍ هەولێریچ بڎۊ.