بۊنەو دوەم ساڵوەگەرو گەشمەرڎە کەرڎەو ژینا ئەمینیێ کە جە لایەنو 'پۆلیسو ئەخلاق'یۆ تارانەنە بە ئەشکەنجە ژیوایش جەدەستداو، بە مەرامو خاوەنداریکەرڎەی جە شۆڕشو "ژەنی، ژیوای، ئازادی" بە سەرمەشقی کۊمیتەو پارتو ژیوای ئازادی کورڎەسانی (پەژاک)و سویسرای جە شارو زوریخینە چالاکیېوە ئەنجامدریا

سەرەڕاو وارای وارانێوە لێزەمەی چالاکیەکە بەدەیەقێوە  مدرای پەی بەرزڕاگێرتەو یاڎو گەشمەرڎا دەسشپنەکەرد.

'هیچ هێزێوە تواناو مدرایشۆنیا  جە دژو هێزو ژەنا'

جە چالاکیەکەنە واتەواچەو یەژەکە-سویسرای سەلما سوسەرە قسێش کەردۍ و  ئاماژەش پانەیەدا کە بە ۋییەرنای دوێ ساڵا سەرو گەشمەرڎە کەردەو ژینا ئەمینیێرە هیچ توڕەیێوەما جە دژو ڕوەداکەی کەم نەبیێنۆ و  واتش: "مەڵامەتوو کوشتەو ژینا ئەمینیێ کوردبیەیش بۍ، چونکی ژینا ملش بە فشارەکاو سەرو ژەنا نەڎا پۆکای کوشیا. هیچ هێزێوە تواناو مدرایۆیش نیا وەرانوەر بە هێزو ژەنا، بە دروشمەو 'ژەنی، ژیوای، ئازادی'یۆ جە مدرامانیما بەردەوامێ بیمێ."

هەر جە چالاکیەکەنە تەڤگەرو ژەنا کوردی جە ئۆروپانە ئەرەیاونێوەش بە زۋانی ئەڵمانی وەناوە.

'مەتاوا  بێدەنگێما بکەرا'

دماتەر هامسەرۆکەو جەدەکە-سویسرای دیلان چەتینکایا قسێش کەرڎۍ و بە سڵامکەردەیش جە شۆڕشو 'ژەنۍ، ژیۋای، ئازاڎیی' یاڎو ژینا ئەمینیێش بەرز ڕاگێرت و واتش: "گرڎ کاتێ بیمۍ بە قژۍ ژینۍ، گرڎ کاتۍ بیمۍ بە قژۍ سورۍ ساریۍ. بیمۍ بە قەڵەمو گوڵستانۍ و هێرۆی. بیمۍ بە دەنگو هاوارو نارینۍ، هیچ کاتێ نمەتاوا بێدەنگێما بکەرا."

چالاکیەکە بە واتەیۆ دروشمەو 'ژەنی، ژیۋای، ئازاڎیی' سڵام جە زیڼانیا ژەنا شۆڕشەکەی کریا و دمایش پنەئاما.