پلاتفۆرمو ڕەنج و دیموکراسی ئامەدی، بە درووشموو "دژو جەنگی ئاشتی، دژو  مەردەی ژیوای پارێزنمێ" ئەرەیاونێوەش واناوە. فرەڤو کەسی بەشدارێ بێنێ و درووشموو "نا پەی جەنگی، ئیسە ئاشتیا" بەرزکریاوە.

ئەرەیاوناکەی جەلایەن و واتەواچوو کاتو پلاتفۆرمو محەمەد ئۆکتای ونریاوە، ئەرەیاوناش سەرەڕاو بانگەوازی "ئاشتی و گلێرگە و دیموکراتیک"ـو ڕابەر ئاپۆی جە ٢٧ و شوباتی و قەرارەکا کۆنگرەو ١٢هەمینو پەکەکەی، هرووژمەکێ بەردەوامێنێ.

ئۆکتای هرووژمەکا سەر و مێڏانو گەریلای پێسە س "هرووژم پەی سەر و تێکدای پرۆسەکە" ی هورسەنگنا و واتش: "ئی هرووژمێ دژس مافو هیواینێ. ئی هرووژمێ دیسان  نیشانەش مراوە کە ئی هەوڵە تێکدەرێ جەلایەن و بڕێ کەساوە پەی درێژەدای بە جەنگی بەردەواما".

پەنەوازا دژو جەنگی، هێڵە و ئەوەکۆشای بنیات بنییەیمێ

ئۆکتای جەختش وست سەر و جەنگ و ئیسرائیلی و ئێرانی واتش: "ئی جەنگە بەرشوست کە مشۆم هێڵە و ئەوەکۆشای بنیات بنییەیمێ کە دژو جەنگی و هەژاری و ستەمی؛ یەکسانی و ئازادی و گلێرگەی دیموکراتیک پارێزیۆنە. دژو جەنگی مەتاومێنە ڕێوە تەرە گێرمێنە وەر".

ئۆکتای بانگەوازش کەرد گرڏما هرووژمەکا شەرمەزار مکەرمێ و بانگەوازش جە وەرپرسا کەرد، وەرپرسیارەتی وێشا جابەجێ بکەرا.