ڕاوەبەروو کەناڵوو "سپێدە"ی کە سەرپەرشتیی کەمپنێوە کۊکەرڎەیۊ هامکاری پەی وەنەقۊمیایاو بوومەلەرزەکەو سەرنیشت و وەرنیشتوو کورڎسانی کەرۍ ئەرەیاوناش، کەمپینەکەشا لاو ئاسایشوو دهۊکیوە هجوومش کریان سەر و چند کەسێوە جە ڕێکوزاو کەمپینەکەی پەی ماوێوە گیریێنۍ.

عەبدولکەریم ئەحمەڎ واتش، ئاسایشوو دهۊکی هجوومش کەرڎەن سەروو کەمپینوو کۊکەرڎەیۊ هامکاری پەی وەنەقۊمیایاو بوومەلەرزەکەی.

ماوەو یەرۍ ڕوان "کەناڵوو سپێدەی" کە زوانحاڵوو "یەکگرتووی ئیسلامی"ین چەنی یەرۍ ڕیکوزیایا تەروو ئا حیزبی، کەمپینێوەشا پەی کۊکرڎەیۊ هامکاری پەی وەنەقۊمیایا بوومەلەرزەکەو سەرنیشت و وەرنیشتوو کورڎسانی ڕیک وستەن.

 ئاسایشوو دهۊکی جە ماوەی ویەردەنە ڕاگێرییش جە هەرمانەو ڕێکوزیایە مەدەنییەکان و حیزبە نەیارەکا کەرڎەن و بە زەبروو هێزی وەراوەروو حەرکەسۍ مردۊوە، کە چا مەنتێقەنە، هەرمانە کەرۊ کە نەبۊ مسڵەحەتوو "پەدەکە"ینە.

ها-ع