یاڎوو گەشمەرڎاو پاریسی یاگۍ کۊکوشکەرڎەیشانە کریاوە
یاڎووگەشمەرڎاو پاریسی وەردەموو نوسیگەو زانیارینە کرایەوە، کە کۊکۊشیی یووەمینش چەنە کریا.
یاڎووگەشمەرڎاو پاریسی وەرڎەموو نوسیگەو زانیارینە کرایەوە، کە کۊکوشیی یووەمینوو پاریسیش چەنە کریا.
سەرۊکوو شارەوانیی گەورەو شاروو پاریسی، سەرۊکوو شارەوانیی ١٠ پاریسی ئەلێکساندرا کۊردۊبا، سیناتۊراو ئەنجوومەنوو پیراو پاریسی، ئەنڎاماو ئەنجوومەنوو شارەوانی، نوێنەراو ئێس تی ئۊ، بزووتنەوەو ژناو کورڎی و جەدەکە – ف بەشڎارییشا جە چالاکییەکەنە کەرد.
حەرپاسە سیناتۊروو حیزبوو سۊسیالیستی ڕیمۊ فیرۊ، بە نامۍ جەدەکە -ف سارا مارچا، کۊمەڵەو کورڎستانی جە فەڕەنسانە و ئەنڎاماو بزووتنەوەو دۊسایەتیی گەلا دژ بە نەژادپەرستی، ئشناسیا بە ماراپ، ئاماڎۍ چالاکییەکەی بێنۍ.
ئەلێکساندرا کۊردۊبا جە یاڎەکەنە واتش: "ئێمە جە وەختێوە سەخت و قورسنە مژیومۍ. ئی هجوومۍ جە دژوو گرڎوو ئەرەنیشتا پاریسی کریان. جە دژوو ئا کەسا کریان، کە دژوو داعشی وەرگێرییشا جە بەهاکاو دیموکراسی و مرۊڤایەتی کەرڎەن".
سارا مارچا بە نامۍ جەدەکە – ف واچێوەش پێشکەش کەرد و واتش، بە درێژایی تارێخی دایمە ژەنیی وەڵێوەبیۍ شۊڕشی کریینۍ ئامانج، وەروو ئانەی ئایندە دووەبارە نەبۊوە مشۊم کۊشیای داڎپەروەری و ڕاسی وەردەوام بۊ.
