ئایدەنېزە: ڕاپېماو ۋێما ڕوۋەو ئېمڕاڵی ورسپارنا
سەرۊکو گرڎی دەبەپەی ساڵېحە ئایدەنېزە ئەرەیاۋناش " کە ڕاپېماکەیشا دژو گۊشەگېری ورسپارنان ، شانڎەکێشا کېاستێنۍ پۍ ئا مەنتیقا کە زەمېن لەرزەکە چنەشانە ڕوۋەش دان .
بە ئاماڎەبېەو سەرۊک و گرڎی دەبەپەی ساڵېحە ئایدەنېزە و سەرۊک فراکسېۊن و ھەدەپەی مەرال دانېش بەشتاش ، پەرلەمانتارۍ " سەزایی تەمەللی ، عومەر ئۊجالان ، موراڎ ساریساچ ، دیلان دیرایەت تاشدەمېر ، گوڵستان کلېچ کۊییگېت ، موعەزەز ئۊرھان ، سەعېد دەدە ، ئەرداڵ ئایدەمېر ، شەڤېن جۊشکون ، ۋەڕێۋەبەرۍ شار – مەنتېقە و نۋێنەرۍ ڕێکوزیا دیموکراتېکەکا سەبارەڎ بە زەمېنلەرزەکەی جە گەڤەر کۊڼفرانسێۋە ڕۊنامە ۋانیشا سازکەرڎ .
ساڵېحە ئایدەنېزە پی جۊرە قسێش کەرڎۍ :
" داواکارەنا جە خوڎای ئاکەسۍ کە چی کارەساتەنە فەوتشا کەرڎ، وزۊشانە ۋەرو بەزەیی و ڕەحمەت و ۋێش و ھومێڎو خاس بېەیۊ پۍ زامڎارەکا ۋازونە ، ۋەرو ئانەی مەرڎەی و زامڎاربېەی زیاتەر ڕوۋەنەرۊ ئەشۊ خێرا دارو پەردو یانە وڕایەکا لابریۊنە ، جە ترکېەنە کارەساتۍ چی جۊرەیە ۋەرڎەوام ڕوۋە مرانۍ ، گرنگ ئانەن کە ئەشۊ ۋەردەوام جە ۋەران ۋەرو ئا کارەساتانە ئاماڎەکاری کریۊنە . ۋەلێم دماو ئانەی کارەساتەکۍ ڕوۋە مرا ، نە دەس وەردای کریۊ ، ئا دەس وەردایچە کە کریانۍ پێسە پێویسی نېەنۍ ، داوا جە گەلەکەیما کەرمێنە یۊگېرۍ با پۍ ئی ئێش و ڕێشەیە خاستەر گنانۍ جوڵە .
ڕاپېماکەیما ورسپارنا
" ئاگاڎارێندۍ کە پۍ چی ئارۊ ئېنایمۍ گەڤەر ، بە مەڵامەت و ئا ڕاپېمایە کە قەرار بۍ جە دژو گۊشەگېری ڕوۋەو ئېمڕاڵی ئەنجام بڎریۊ ئېنایمۍ چۍ . قەراربۍ ئا بەرنامەیە جە گەڤەرو قۊسەرەوە دەسپنەکەرمۍ . ۋەرو ڕوۋە داو ئی کارەساتیە ڕاپېماکەیما ورسپارنا ، ئێمە ئەجێگۊ ڕوۋە کەرمۍ ئا یاگا کە زەمېن لەرزەکە چنەشانە ڕوۋەش دان " .
ھ.ش
