واتەواچو دەسوەڵێوزو سوریای، مەنان جەعفەر باسش جە هەڵمەتەو ئازادی و پیلانگێڵنی ٩و ئارگای(ئۆکتۆبەر)ی کەرڎ و واتش: "ئازادی ڕابەر ئاپۆی بەماناو ئازادی تەمامو گەلا ۋەرکۆتوو مېیامینی مۍ."
مەنان جەعفەر واتەواچو دەسوەڵێوزو سوریای، سەبارەت بە ئازادی پەی ڕابەرو گەلوو کوردی عەبدوڵا ئۆجالانی، پێوەس بە پیلانگێڵنی مېیاننەتەوەی ٩/١٠/ ١٩٩٨ی سەرو ڕابەرو گەلوو کوردی عەبدوڵا ئۆجالانی و هەڵمەتەو 'ئازادی پەی عەبدوڵا ئۆجالانی، چارەسەری پەی پرسو کوردی کەرد'ی پەی ئاژانسیما قسێش کەردۍ.
جە سەرەتاو قسەکاشەنە ئاماژەش پانەی کەرڎ کە جە چوارچێوەو هەڵمەتەکێنە جە ئاستی مېیاننەتەوەیینە بە ملیۆنان کەسۍ داواو ئازادی جەسەیی ڕابەرو گەلوو کوردی عەبدوڵا ئۆجالانیشا کەرڎ و واتش: "ئینەیچ ئانەی بەروزۆ کە پارادایمەکۍ ڕابەر ئاپۆی چارەسەرۍ پرسو مرۆڤایەتیێنۍ." جەختش جە مسۆگەرکەردەی ئازادی جەسەیی ڕابەرو گەلوو کوردی کەردۆ و ئاماژەش پانەی دا کە گەلا هێزو ئانەیشا هەن ئازادی جەسەیی ڕابەرو گەلوو کوردی مسۆگەربکەرا.
'پیلانگیڵنی تەرسینە جە فکرەکاو ڕابەرئاپۆی'
جە بەردەوامی قسەکاشەنە جەعفەر سەرنجش وست سەرو ئەنجامدای پیلانگێڵنیی مېیاننەتەوەیی جە لایەنو هێزە هەژموونوازەکاوە و واتش: "جە ڕامانەکاو ڕابەر ئاپۆی تەرسۍ پۊکەی بە پیلانگێڵنیێوە باڵبەسشا کەرڎ و ڕادەسو تورکیایشا کەرد. جە ئیساتێچەنە بە سەختکەردەی گۆشەگیری پیلانگێڵنییەکە بەردەواما. دۆڵەتو تورکی بە پەشتیوانی هێزە مېیاننەتەوەییەکا بە بۆمبۋاران و ئەرەگیریەکاش سەرو ئیدارەو ۋێڕاوەبەری سەرنیشتوو ۋەکۆتوو سوریای درێژە بە پیلانگێڵنییەکاش مڎۆ. بەڵام سەرەڕاو گرڎوو هرووژمەکا ڕابەر ئاپۆ بە هەڵوێسو مڎرامانوو ئیمراڵییوە ئامانجەکۍ پیلانگێڵنیش پوچۍ کەردۍ."
'پەنەوازا گرڎ کاتۍ جە ئەرەکۊشاینە بیمۍ'
جە دمادمایی قسەکاشەنە جەعفەر باسش جە دەسکۊتەکا هەڵمەتەو ئازادی کەرد و بانگەوازش پەی ئەرەکۊشای قەوەتتەری کەرد و پی جۆرە دمایش بە قسەکاش ئارڎ: "هەڵمەتەکێما جە ساڵەو یووەمو ئەرەکۊشاینە چڼین ئامانجێش پێکۍ. جە ٧٤ ناوەندۍ و جە تەمامو دنیێنە کەسانۍ دیموکراتیک-وازۍ بەشدارۍ بێنۍ. گلێرگەی ئازادیواز فشار جە سی پی تی مکەرۆ پەی جابەجێکەردەی ئەرکەکاش. پەنەوازا بە گرڎو قەوەتیماوە پەی ئی ئەرەکۊشایە سەفەربەرۍ بیمۍ و دژو سیستەمی مردمېوە و هۆرش شێونمۍ. چونکی ئازادی ڕابەر ئاپۆی بە ماناو ئازادی گەلاو ۋەرکۆتوو مېیامینی مۍ. ئینێچ گرڎ بە فکرەکاو رابەر ئاپۆیۆ مکریۆ. جە چوارچێوەو هەڵمەتەو ئازادیینە هەڵمەتەی تازۍ دەسپنەبکەرمۍ."
