ئەحمەد عادل زینانی سیاسی دماو ٣٠ ساڵا ئازاڎ کریا
ئەحمەد عادل کە جە لایەنو دادگاو سەروازیی دۊڵەتو تورکیوە جە ساڵۊو ١٩٩٤ سزاو زینانی هەتا هەتاییش سەرەرە سەپیان، دماو ٣٠ ساڵا ئازاڎ کریا.
ئەحمەد عادل کە جە زینانو ئاسایشو باڵاو دۆشمەلتی ئەنتاڵیاینە زینانی بۍ، دماو ٣٠ ساڵا و ٦ مانگا ئازاڎ کریا.
ساڵۊو ١٩٩٤ بە تۆمەتو "شێونای یۊبیەی و یەکپارچەیی وڵاتی" سزای هەتا هەتایی سەرو عادلیرە سەپیا.
عادل ۋەردەمو زینانینە جە لایەنو بنەیانەکەیش و ئەنداماو ڕێکوزیاکاوە پێشوازیش ۋنە کریا.
عادل ئەرەیاۋناش هەم دڵوەش و هەم غەمگینا، تەئکیدش کەرڎۆ، کە ئازاڎ بیەیش ٦ مانگۍ دما وزیان.
سەرنجش وست سەرو بانگەوازو "ئاشتی و گلېرگەی دیموکراتیک"ـی ڕابەر ئاپۆی و داواش کەرڎ ئاشتی جە وڵاتەنە بەرقەراربۆ.
عادل بەرەو ماواو ۋێش جە مێردینەنە کۊت ڕا.
