ئەنجومەنو ژەنا دەم پارتی چنی جەهەپەی و DEVA ی کوۍ بیێوە
ئەنجوومەنو ژەنا دەم پارتی دماو بانگەوازییەکەو ڕابەر ئاپۆی سەردای پارتەکا جەهەپەی و DEVAیش کەرڎ.
ئەنجوومەنو ژەنا پارتو دیموکراسی و یەکسانی گەلا- دەم پارتی جە چوارچێوەو "بانگەوازو ئاشتی و گلېرگەو دیموکراتیک"ـی ڕابەر ئاپۆی، چنی لقو ژەنا پارتە سیاسییەکا گلېرۊبیەکێش دەسپنەکەردۍ. چا چوارچێوەنە ئەنجومەنو ژەنا دەم پارتی سەردای لقو ژەنا پارتو کۆمارو گەلی (جەهەپە)یش کەرڎ. گلېرۊبیەکەی جە مېیانو گرڎیی جەهەپەینە لواڕاوە.
شاندو ژەنا دەم پارتی بریتی بێنۍ جە خالیدە تورک ئۆغڵوۍ واتەواچەو ئەنجوومەنو ژەنا و ئۆزگول ساکیە پەرلەمانتارەو ئەستەنبوڵی و جانان چالاگانە ئەندامەو کوردیناسیۆنو ژەنا و دەسەو ڕاوەبەری مېیانو ژەنا و جە لایەنو ئاسو کایایۍ سەرۆکۊو لقو ژەنا جەهەپەی و عالیە جۆشارۍ پەرلەمانتارەو ئانتاڵیای و ئەرمەغان ئاکیوزە یاگەگیرەو سەرۆکو لقو ژەنا جەهەپەی پێشوازیشا ۋنە کریا.
خالیدە تورک ئۆغڵووە سەبارەت بە گلېرۊبیەکەی ئەرەیاۋناش؛ لقو ژەنا جەهەپەی بە شێوێوە ئەرێنی هۊرسەنگنایشا پەی پرۆسەکەی کەرڎ و ئەرەیاۋناشا پرسو کوردی پرسێوە دیموکراتیکا.
هەرپاسە جە گلېرۊبیەکەینە باڵو ژەنا جەهەپەی ئەرەیاۋنانشا کە پەنەوازا حکومەت پەی پڕۆسێوە تازەی و ئانەی کێشەکە جە پەرلەمانەنە چارەسەر بکریۆ هەنگامە بنیۆ.
دماتەر ئەنجوومەنو ژەنا دەم پارتی سەردای ڕێکوزیاو ژەنا پارتو دیموکراسی و وەڵێکۊتەی (DEVA)یش کەرڎ. گلېرۊبیەکەی جە بارەگاو پارتەکەینە لواڕاوە.
یاگۍ ئاماژەیا دماو گلېرۊبیەکەی کە نزیکەو سەعاتێش خواینا، حیچ قسێوە چا بارۆ نەکریا.
