جەۋڵاتو سویسرای ڕاپېما درێژ مەوڎاکەو ئېنتەرناسېۊنالېستەکا پۍ ئازاڎیی ڕابەرو گەلو کورڎی "عەبدوڵا ئۊجالان"ی ۋەردەواما. یەرەمېن ڕۊو ڕاپېماکەی جە شارو بێرن-یۊ دەسش پنەکەرڎ.

ۋەڵۍ دەسپنەکەرڎەو ڕاپېماکەی،  ئېنتەرناسېۊنالېستەکۍ پۍ ڕێزگێرتەی جە قوربانېاو بومەلەرزەکەی ١ دەیەقە بەبۍ دەنگی مدرێرە. دماتەر بەیان نامێۋە ۋنریاۋە و سەرەۋەشی جە کەسوکارو قوربانېاو بومەلەرزەکەو کورڎسانی کریا.

جە ئەرەیاۋناکەنە ئامان، تا ئېسە ھەزاران کەسۍ ئېنۍ چێرو دارو پەردو بېنا وڕایەکانە، ئامەژەشا بە ۋەرگېریەکاو دۊڵەتو ترکیەی کەرڎ، کەڕا مەرۊنە ھامکاریەکۍ گەلی بە ۋنە قۊمېایا بېاۋا.

جە ئەرەیاۋناکەنە ئامان؛"داوا جە شۊڕشگێڵاو دیموکراتوازەکاو گرڎو جەھانی مکەرمۍ کە پەشتگېری جە ۋنەقۊمېایاو بومەلەرزەکەی کەرانۍ و ھامکاریشا پۍ کۊکەراۋە".

ئېنتەرناسېۊنالېستەکۍ ئارۊ جەڕاپېماکەیشانە ٢٥ کېلۊمیترۍ ملاو مېاۋانە شارو بورگدۆرف-ی.

ھ.ش