مېیانو چاپەمەنی و ئەرەیاۋنای هەپەگەی ئەرەیاۋناش، "هێزەکېما جە ئاسمان و زەمینۆ جە چوارچێوەو پارېزنای ڕەواینە جوابو هرووژمەکا سوپاو ئەرەگیرو تورکیشا دانۆ؛ ٢٠و شوباتی جە هەرێمو زاپینە ئۆپەراسیۆنی شۆڕشگێڵنیی ئەنجامدریا. ئی ئۆپراسیۆنە شۆڕشگێڵنییە پەی یاڎو گەشمەرڎا ئی دماییەیما، بە ڕۆحی فیدایی ئاپۆیی و بە سەرکۊتەی گۊرۆ ئەنجام دریان.

ئەنجامو ئی ئۆپراسیۆنە شۆڕشگێڵنییە جە گەلوو تورکیای و ڕای گرڎینی شاریانۆ و سوپاو تورکی کوشیۍ و زامڎارەکۍ ۋێش ئاشکرا نەکەردێنۍ و شارتێنێشۆ. هېزی وەزارەتو وەرگیری تورکیای بەیاننامېوەش وەڵا کەرڎۆ و ئەرەیاۋناش کە حەقەو سەروازەکاشا کەردەنۆ و ١٧گەریلێشا گەشمەرڎۍ کەردێنۍ. بەڵام چېوۍ چامنە دوورە جە حەقەتینیۆ. ئینە دروێوە ئاشکرانە پەی گەلاو تورکیای."

هەپەگە چا بارۆ ئەرەیاۋناش:

"یەکینەو گەشمەرڎە ئاخین موشی؛

١٩ و شوباتی سەعات ٨:٥٥ ئەرەگیرەکۍ جە مېڎانوو مڎرامانو کەشو وەهارینە بە درۆن کریۍ ئامانج. جە ئاکامو ئی ئۆپراسیۆنەینە سەنگەرێوە دلېنەبریۍ.

هەرێمو زاپی؛

٢٠ و شوباتی سەعات ١٨:٠٠ جە ٣ێ قۆڵېوە دژو سوپاو ئەرەگیرو تورکی جە مېڎانوو مڎرامانوو کوڕەژارۆی ئۆپراسیۆنێوە شۆڕشگێڵنیی ئەنجامدریا. هێزەکېما بە سەرکۊتەیی بە تاکتیکېوە چنە ئامایانە ۋێشا یاونا بە پێگەکاو ئەرەگیرا.سەنگەرەکۍ ئەرەگیراشا پېسە باهۆزی کەردۍ ئامانج. بەشێوە جە ئەرەگیرا جە سەنگەرەکاشانە بڕەمۍ و ئانۍ کە وەرگریشا کەرڎ کریۍ ئامانج و سزا دریۍ. هەرپاسە هێزەکېما جە ماوێوە کەمەنە و بە نزیکەو ٢٠دەیەقا، تەمامو کەشەکەیشا جە ئەرەگیرا پاک کەرڎۆ. گرڎو پێگە و خێمۍ سەرو کەشەکەیشا بە نارنجۆکۍ و چەکی تاکەکەسی و نیم ئۆتۆماتیک جە نزیکۆ کەرڎۍ ئامانج و دلېشانە بەردۍ. کۆگاو تەقەمەنی ئەرەگیرا جە کەشەکەنە، کامێرۍ چەمڎاری گرڎ دلېنە بریۍ، هەرپاسە سیستەمو تەلەفریکو سەرو کەشەکەی دلێنە بریا. پەنج خێمۍ ئێرشا ۋەردریانە و دلێنە بریۍ. هەرپاسە جە خێمەکا تەرینە دەسشا سەرو ژمارېوە فرە جە چەکی و کەرەسەی سەروازیرە گېرت. هێزەکېما وشکنایشا پەی تەرمو ١٠  ئەرەگیرا کەرد کە چا سزا دریێنۍ و سزاکێشا پەشڕاسکەردێوە. سوپاو ئەرەگیرو تورکی پەی شارایۆ شکسو ۋێش، تەنیا دڎانش پانەیرە نیان کە مسەفا ئۆسلۆی ئەرەگیر جە لایەنو گەریلاکاوە سزا دریان. بەڵام چی ئۆپراسیۆنە شۆڕشگێڵنیە سەرکۊتەنە هێزەکېما پەشتڕاسشا کەردەنۆ کە بە گرڎیی ١٠ ئەرەگیرۍ کە دلېشانە فەرماندێوە پلەداریچ هەن سزا دریێنۍ. نامۍ ئەرەگیرە سزادریایەکا پی جۊرەنە: ئیلهان کوکسۆی، حسێن ئۆزداڵ و ئەیوب ئۆکسۆز.

هەرپاسە جە ئەرەگیرا سزادریای و بڕەمای، چەکېوە نیم ئۆتۆماتیکی BKC، ٤چەکۍ تاکەکەسیۍ MPT-55، نارنجۆکېوە هۊرگیرە، دەمانچېوە،  کامێرێوە ڕۆی، ٢کامێرۍ شەوۍ، کامێرێوە چەکی، کامێرێوە گەرمی، کامێرێوە چەکی MPT-55، ١ بێتێلی دەسی، ١ پاوەر، ٣هێدفۆنۍ، کارتۍ شناسنامەو ئەرەگیرا و کارتۍ زەڕی و بڕێوە لیرۍ تورکی دەسشا سەرەرە گیریا.

هەرپاسە کامێرێوە چەمڎاری، ١ چەکی قورسی A4 و پێگەکەش، ١چەکی نیم ئۆتۆماتیکی BKC، چەکېوە نارنجۆکەی هۊرگېرە، ١ هەستەوەر، خێمېوە پەیوەندی، ١ ئامێری ئالاجیق، تەلەفزیۆنېوە، ٢تەلەفۆنۍ، ٥کۆمپیوتەرۍ و ٤تەلەسکۆپۍ تایبەتۍ دلېنە بریۍ.

ڕۆو ٢١و شوباتی، جەمۍ جە هەڤاڵاما جە کاتو ۋېیەردەیشانە بە دەگاو "گۆهەرزێ ئامێدی"رە جە لایەنو ترۊمبېلێوە بەنام  مەدەنیۆ تەوەقە دریێنۍ و جە پەشتیۆ جە دامېوە خیانەتکارانەنە کریێنۍ ئامانج و جە ئاکامەنە ٣هەڤاڵېما گەشمەرڎۍ بیۍ. شناسنامەو ئا کەسا کە بە خیانەتکارانە و ترسنۆکانە جە پەشتەو یانە مەدەنییەکاوە تەقەشا جە هەڤاڵاما کەرڎەن، تا ئیساتۍ بە تەمامی جە لایەنو ئێمۆ ڕۊشن نەبیەنۆ. جە وێنە وەڵاکریاکانە ڕۊشنا کە ترۊمبێل و جلوبەرگەکۍ مەدەنیۍ بێنۍ. بەڵام هەڵای بە تەمامی ڕۊشن نیا کە سەر بە کام هێزینۍ. بەڵام حەقەو ئی دامە خیانەتکارانۍ مکەرمېوە.

چیولای گرڎو ئا ترۊمبېلا جە مابەینو دیرەلوکی و ئامێدینە ئاماو لوای مکەرا، ئاڵاو پانیشتوو کوردەسانیشا پۊوە نەبۆ، جە لایەنو ئێمۆ بە دژمن هەژمارۍ مکریا و مکریا بە ئامانجو هێزەکاما با گرڎ کەسۍ ئاگاڎار بۆ.

هەرێمو گەشمەرڎە دەلیلی جە ۋەرنیشتوو زاپی؛

جە ڕوانو ١، ٢و ٣ۍ شوباتینە، کامێرەو چەمڎاری -گەرمی ئەرەگیرا جە مېڎانوو مڎرامانوو کەشو وەهارینە، بە بەکارئاوردەی تاکتیکو نیشانەماڕۍ کریۍ ئامانج و دلېنەبریۍ. جە ئەنجامو ئا ئۆپراسیۆنانە ٣ کامێرۍ چەمڎاریۍ گەرمی دلېنەبریۍ.

٦و شوباتی ئەرەگیرێوە کە هەوڵو فاڕای کامێرە دلېنە شیەکا دۍ جە مېڎانوو مڎرامانوو کەشو وەهارینە، کریۍ ئامانج و بە تاکتیکو نیشانەماڕۍ سزا دریا.

٢٠و شوباتی سەعات ١١:٥٤ و ١٦؛٢٥ دەیەقۍ جە ناوچەو مڎرامانوو کەشو ئامێدیینە بە چەکی قورس ئەرەگیرەکۍ کریۍ ئامانج. جە ئاکاموو ئی ئۆپراسیۆنانە ٢ سەنگەرۍ ئەرەگیرا هۊرشێویێوە.

هرووژمەکۍ سوپاو ئەرەگیرو تورکی بە تەقەمەنی قەڎەغەکریا؛

١٨و شوباتی مەڕە جەنگیەکېما جە مېڎانوو مڎرامانوو کەشو جۆدینە، جارێوە بە تەقەمەنی قەڎەغەکریا بۊمبوارانۍ کریۍ.

هرووژمەکۍ سوپاو ئەرەگیرو تورکی؛

جە ١٦تا ٢٢ۍ شوباتی، مېڎانەکۍ مڎرامانوو لولان، کەندەکوڵا، بەربزینە و گۆشین جە خواکورک ١٠ جارۍ بۊمبوارانۍ کریۍ؛ ناوچەو ئەنزێ قەندیلی ١جار؛ ناوچەکۍ یەکماڵە، گرە، درێشە، مام نێچیر، کەشو زەنگل، کەشو کۆنی، زێوکە، هەفت شاخ جە گارێ ١١جارۍ؛ مېڎانوو مڎرامانوو بێشیلی، سەری مەتینای و شێلازێ مەتینای ٦ جار بۊمبوارانۍ کریۍ، هەرپاسە مېڎانوو مڎرامانوو کەشو وەهاری کە گنۆ هەرێمو گەشمەرڎە دەلیلی جە ۋەرنیشتوو زاپی ٤ جارۍ بۊمبواران کریا؛ هەرپاسە بە گرڎیی ٣٢ جارۍ جە لایەنو فڕۆکە جەنگییەکاوە ئا ناوچۍ بۊمبواران کریۍ."