ئێرانەنە پەی شەرمەزارکەردەی سزاو جە قەنارەدای گرڎ یەرەشەمێوە مانگېرتەی جە وارڎەی ئەنجام مڎریۆ.

مانگېرتەکەی جە چوارچێوەو هەڵمەتەو "یەرەشەممەی بێ قەنارە"ینە حەفتانە ئەنجام مڎریۆ، ئیساتۍ ئینا حەفتەو ٣٦ ەمینینە. ٢٠ زیڼانیۍ تەرۍ بەشداربیەی ۋێشا جە مانگێرتەکەینە ئەرەیاۋنا.

دماجار زیڼانیا سیاسی جە زیڼانو ئاراکینە ئەرەیاۋناشا یەرەشەممان مانگېرتەی جە واردەی ئەنجام مڎا.

ئا زیڼانۍ بەشداربێنۍ جە مانگێرتەی جە واردەینە دژو سزاو جە قەنارەدای، پی جۆرەنۍ: " زیڼانو ئەوینی، زیڼانو قەزال حەساری، زیڼانو ناوەندیی کەرەجی، زیڼانو گۆرەو تارانی، زیڼانو خورماتووی، زیڼانو نیزامی شیرازی، زیڼانو ئەسەدئابادی جە ئەسفەهان، زیڼانو بامێ، زیڼانو مەشهەدی، زیڼانو لاکانی جە ڕەشت، زیڼانو قایمشەهری، زیڼانو ئەردەبیلی، زیڼانو تەبرێزی، زیڼانو ورمێ ، زیڼانو سەلماسی، زیڼانو خۆیی، زیڼانو نەغەدەی، زیڼانو سەقزی، زیڼانو بانەی، زیڼانو مەریوانی، زیڼانو کامیارانی و زیڼانو ئاراکی."