سەرحەد ئەرەن پەرلەمانتارو ئامەدو دەم پارتی ئاماژەش پانەی کەرد ئەرەمەرزیا یاساییەکاو ئەوروپای و کۆنسەو ئەوروپای پێوەس بە پاشێلکەردەی 'مافو هیوا'ی ۋێشا بێدەنگ کەردەن و واتش: "گۆشەگیری بە تەنیا مژارێوە یاسایی نیا، هامکات بەشێوەن جە حەقکەردەیۆ سیاسی."
سەرحەد ئەرەن پەرلەمانتارو ئامەدو دەم پارتی ئاماژەش پانەی کەرڎ کە کاریگەرییەکۍ گۆشەگیری ڕەهاو ئیمراڵی سەرو گرڎو جەهانی وەڵابیەنۆ و واتش: "گۆشەگیری جە ستراتیجو دۆڵەتو تورکینە بە تەنیا گۆشەگیرکەردەیۍ کەسیی نیا، بەڵکم ستراتیجو چەوەسنایۆ داواو ئازادی و دیموکراسی گرڎو گەلا چێردەسەین. گۆشەگیری سەرو ئێژا ئۆجالانی بە ماناو برەوداین بە دەسسەرەرەگێرتەی ئیرادەو گەلوو کوردی. گۆشەگیری پېسە ئامرازێوە هرووژمکەردەی پەی فشارکەردەی سەرو گلېرگەی بەکارمۍ." باسش چانەیچ کەرڎ کە بە گۆشەگیری فشارەکۍ سەرو ژەنا زیاتەرۍ بانۍ، چونکی پارادایمو ئازادیوازی ژەنۍ تەرسێوەن پەی دەسەڵاتداری.
خراپەکارییەکۍ دەرەنجامو گۆشەگیرییا
جە بەردەوامی قسەکاشەنە سەرحەد ئەرەن ئاماژەش بە کاریگەرییەکاو گۆشەگیری سەرو گلېرگەی کەرڎ و واتش: "چەوەسنایۆ ژەنا، دژایەتیکەردەی جوانا، وە پەیوەندییەکا دۆڵەتی چنی چەتە و مافیاکا پېسە دەرەنجامو گۆشەگیری بەرگنا. ئی پرۆسە بەشێوەن جە ستراتیجو ئەرەکۊشای کۆمەڵایەتی و چەوەسنایۆ داواکا ئازادی."
ئۆروپا ئیراڎەو چارەسەری نیشانە نمەڎۆ
جە دمادماینە ئەرەن سەرنجش وست سەرو قەرارەکا دادگاو مافەکا مرۆڤو ئۊروپا (DMME)ی ساڵەو ٢٠١٤ ی کە جابەجێنەکەردەی 'مافو هیوا'ی سەبارەت بە رابەرو گەلوو کوردی عەبدوڵا ئۆجالانی پېسە پاشێلکەردەی مافو مرۆڤی نامۍ ئاردەبۍ و واتش: "بەڵام داخەم نمەشۆ DMME و کۆنسەو ئۆروپای ۋێشا بێدەنگ مکەرا جە سزادای ئا لایەنەیە کە مافەکا پاشێل مکەرۆ. ئینەیچ پەی پێگەو جیۆپۆلەتیکی تورکیای و ئەندامبیەی تورکیای جە ناتۆنە مگێڵۆوە. بێدەنگی ئۆروپای ۋەرا ۋەر بە تورکیای بەماناو بێدەنگییا جە چارەسەرنەکەردەی پەرسەکا کوردی."
