ئۆروپانە دژو گۆشەگیری ئیمراڵی چالاکی کریا
شارو دویسبورگی و دۆرتمۆندو ئەڵمانیاینە دژو گۆشەگیری سەرو رابەرو گەلوو کوردی عەبدوڵا ئۆجالانی چالاکی کریا. جە کۆپنهاگنو پایتەختو دانیمارکیچنە پانێلێوە سازکریا.
شارو دویسبورگو ئەڵمانیاینە جە سەروبەنڎو ساڵیاڎو پیلانگێڵنی مېیاننەتەوەیی ٩و تشرینو یووەم و ١٩٩٨ ی و دەربارەو گۆشەگیری رەهاو سەرو رابەرو گەلوو کوردی عەبدوڵا ئۆجالانی، مێزێوە نریارە. مېزەکۍ جە وێسگەو ناوەندو قیتارینە و بە وێنەکا رابەرو گەلوو کوردی عەبدوڵا ئۆجالانی ڕازیاوە.
جە مێزەکێنە ئەرەیاۋییای بە زۋانی ئاڵمانی جەبارەو گۆشەگیریی سەرو رابەرو گەلوو کوردی عەبدوڵا ئۆجالانی ۋنریاوە، هەرپاسە کتێبەکۍ رابەرو گەلوو کوردیچ نریێبێنێرە و جە بارەو پەرسو پیلانگێڵنیی مېیاننەتەوەیی و گۆشەگیری رەهاو ئیمراڵیۆ زانیاری پا کەسا دریا کە سەردای مێزەکۍ کەرێنۍ.
دۆرتمۆند
شارو دۆرتمۆندو ئەڵمانیایچەنە کوردا و دۆسەکێشا کوۍ بیێوە و چالاکیێوەشا ئەنجامدا.
جە چالاکییەکەنە پیلانگێڵنیی مېیاننەتەوەیی ٩و تشرینو یووەمی و گۆشەگیری رەهاو سەرو رابەرو گەلوو کوردی عەبدوڵا ئۆجالانی شەرمەزارکریا.
کۆپنهاگن
کۆپنهاگنو پایتەختو دانیمارکیچەنە بە مەبەسو ئاشناکەردەی رای گرڎیی دانیمارکی بە ئەندێشەکاو رابەرو گەلوو کوردی عەبدوڵا ئۆجالانی پانێلێوە بە نامونیشانو ئیکۆلۆژی و ژنۆلۆژی سازکریا. پانێلەکە جەلایەنو ئەنداماو پلاتفۆرمو پەشتیوانی کوردەسانیاوە ڕاوەبەرکریا. جە پانێلەکێنە ئاماژە بە گۆشەگیری و رەهەندەکاو کۆشش و رابەرو گەلوو کوردی عەبدوڵا ئۆجالانی کریا و گفتوگۆش جە بارۆ کریا.
