١٤و حوزەیرانوو ٢٠١٨ پیرسوسەنە، هامسەر و دووێ کوڕێ ئەمینە شەنیاشارێ پاسەوانا و قەومەکاو پەرلەمانتاری وەڵینوو ئاکەپەی ئیبراهیم خەلیل یەڵدزی کوشتێ و زیندانیێ کریێ، چالاکیی ئێشکگێریی دادپەروەریی یئەمینە شەنیاشارێ وەردەموو پەرلەمانینە ٢١ ڕوێن بەردەواما.

ئەمینە شەنیاشارە باسوو کۆکوشییەکەی و قۆناغوو دماو کۆکوشییەکەیش کەرد،واوەی داواو دادپەروەریش کەردە و داواو ئازادیی فازڵ شەنیاشاری کوڕییش کەردەش.

پەرلەمانتاراو دەم پارتی مەرال دەنیش بەشتاش و دیلان ئایان کونت سەرێ ئەمینە شەنیاشارێشا دا.

بەشتاش ئەرەیاوناش پەرلەمان بەئەنقەس وێش جە داوێکێ بنەیانەو شەنیاشارێ بێدەنگ مکەرۆ، ناڕەزایەتییش بەروست وەراوەروو سەرۆکوو پەرلەمانی و ئەردۆگانی کە گۆش نمەدۆ بە داوایەکاو ئەمینە شەنیاشارێ، تیشکەش وستە سەروو مدرامانی چندە سالەو بنەیانەو شەنیاشاری و واتش:" مدرامانێوە فرە مانادارا،ئەگەر پەرلەمان نەبۆ بە وەردەنگوو ئی داوێ،ئیتر بۆ بە هینوو چێشی؟".

بەشتاش قسێ سەرۆکوو پەرلەمانی، نوعمان کورتولموشیش وستۆ یاد کە واتش:"پەرلەمان متمانێ جەدەس مدۆ" گەورەتەرین بێمتمانەیی ئانەنە دادگاتا کەردەن ئامرازوو دەسوو وێتا،گەورەتەرین بێمتمانەیی سزانەدای بکوشان،متمانێ بە یاسێ و دادپەروەریی مێ دی".