ئۊیا ئەرسۊی پەرلەمانتارەو هەدەپە ی باسش جە دۊخوو خراپوو وەنەقۊمیایا بوومەلەرزەکە و نەیاوای هامکاری بە گەلی کەرڎ و واتش، یەرۍ جە چواروو هاتای وڕیان و هاتای نەمەنەن. هاموەڵاتیێچ ئەرەیاونا، دوو ڕووێن حیچ چێوێشا نەیاوان لا.
ئۊیا ئەرسۊی پەرلەمانتارە هەدەپەی ئەرەیاوناش، ڕۊو یەکەمینە حیچ هامکاریێوە نەیاوان هاتای و ڕۊو دووەمیچنە لایەنە سیاسییەکۍ و ڕێکوزیا جەماوەرییە دیموکراتەکۍ دەسشا بە هامکاری کەرڎ.
ئەرسۊی واتش، دەقاق و حەفارە و سڵنگ و کەرەسە و ئامێرە تەکنیکییەکۍ ڕۊو یەرەمینە یاوۍ سەنتەروو شاری.
ئێرسۊی ئاماژەش پانەیچە دا، مەنتێقە دوورەدەسەکانە حیچ هەرمانێوە ڕزگارکەرڎەی و فریاکەوتەی پرۊفیشناڵانە نەکریێنە.
ئانەیچش وات: "هاتای نەمەنەن و یەرۍ جە چواریش وڕیان. خەڵک ڕۊو یەکەمیوە مەتاوا بلا یاگە وزیایرەکا، حیچ یانێوە بەکار نماریۊ. گرڎ کەس ئینا سەروو جادەکاوە، ئاوی و کارەبا و تەلەفۊن نییەنۍ و بڕیێنۍ.
وەنەقۊمیایا بوومەلەرزە کەو هاتای: ماوەی ٢ ڕووان حیچ هامکاریۍ نەکریێنمۍ
ئانۍ کە جە بوومەلەرزەکەو هاتاینە نەجاتشا بییەن، واتشا ماوەو ٢ ڕووان حیچ هامکاریێشا نەیاوان پەنە و تەنیا ڕێکوزیایەکاو گلێرگەی مەدەنی هامکارییشا کەرا.
