محەمەڎ سادق موعتەمېدېان ، پارێزگارو ورمۍ ئەرەېاۋناش ، تا ئېسە ١٠٧٥ زامڎارۍ زەمېنلەرزەکەو " خۊی " ېاۋێنۍ نەۋەشخانە ، کە بەعزێشا ڕەوانەو شارەکا دۊرو بەری کرېێنۍ .

ھەرچنە پارێزگارو ورمۍ باسش جە ېاۋناو خێمۍ و ۋاردەو کەلوپەلو گەرمکەرڎەېۊ کەرڎ پۍ ئانېشا کە زەرەرشا چنە کۊتەن ، ۋەلێم بەپاو ئا گێرتە ڤېدېۊیېا کە جە تۊڕەکۊمەڵاېەتېەکانە ۋەڵا کرېێنۍ ئەرەنېشتۍ " خۊی " و دۊرو بەرېش کە بە مەڵامەت و زەمېن لەرزەکەېۊ زەرەرشا ۋەرکۊتەن دژو دابېننەکەرڎەو ئا پێوېسېا و کەمتەرخەمی ۋەرپەرساو دۊڵەتیۊ ناڕەزاېشا بەربڕی .

بە پاو گێرتێۋە ڤېدیۊېی ھێزەکاو دۊڵەت و ئێرانی پۍ ۋەڵاوەپنەکەرڎەو زەرەرچنە کۊتاو ناڕەزاېېەکا جە " خۊی " ترۊمبێل و ئێر کوشناېشاوە بە کار ئارڎو بە ئاوی ھۊڵ و دوور وستەېۆ خەڵکېشا دا .

شەۋەو شەممەی ٢٨ و کانونو دووەمی زەمېن لەرزێوە بە قوەت و ٩.٥ پلا بەپێوەرو ڕێختەری جە قوڵاېی ٩ کېلۊمەترا چێرو زەمېنی جە شارو " خۊی " و دۊروبەرېش ڕووەش دا جگە جە گېان جە دەس داو لانېکەم حۊت کەساو زامڎاربېەو سەڎان کەسا تەری ، ھەزاران ېانۍ و ترۊمبێلۍ و تۊڕەکۍ فاڕاېۊ کارەبۍ و تۊڕەکۍ ئاوێو گازی زەرەرشا ۋنە کۊتەن .

ھ.ئ