زارا محەمەڎییە، مامۊساو زوانی کوردیی وەرکەوتوو کورڎسانینە و چالاکەی فەرهەنگییەنە و ئەندامەو ئەنجوومەنوو "نۊژین"ینه. ڕۊو ٨و کانوونوو دووەموو ٢٠٢١ فێرکەرڎەی زوانوو کوردی بە خەڵکی و بەتایبەت بە زارۊڵاو کوردی، بی بایسوو سەپنای سزاو پەنج ساڵا زینڎانی جە زینڎانوو کانوونوو چاکسازیی ژەناو سنەینە ملشرە، هیزی وێرەگا بەبۍ نیایرەی کەفیلی و بۍ هیچ سازشێوە حاڵەتێوە کتوپڕنە ئازاڎه کریا.

"بۍ هاگاڎاریی پارێزنەرەکەیم ئازاڎەشا کەردا"

زارا دەمودەس کە زینڎاننە زیارە گێرتێوە ڤیدیۊیش تۊمار کەرد و ئەرەیاوناش، کە داواو چەنەویەرڎەی و چەنەوەشبییەیم، جە ڕژێموو کۊماری ئیسلامی نەکەردێنە و تا مەرڎەی سوورەنا سەروو ویروڕایەکام، زارا ئانەیچش وات، منشا بە شێوازۍ کتوپڕوو بەپەله و بۍ هاگاڎاریی پارێزەرەکەیم ئازاڎه کەردا.

" یووە جە سەد ژەنە کاریگەرەکا  ساڵەی ویەرڎۍ بێ"

یاگۍ واتەینە ساڵەی ویەرڎۍ (بی بی سی) "زارا محەمەدی"یەش پێسه یووە جە ١٠٠ ژەنە یاگەدارا و  کاریگەرا ساڵەو ٢٠٢٢  دیارییە کەردێبۍ.  

ڕژێموو کۊماری ئیسلامی و داڎگاو شۊڕشوو سنەی، زاراش بە کەسۍ تێکدەرە و ئەمنی قەومیی ئێرانی تلنێبۍ چۊوە، کە گرووپ و تاقمۍ و ڎەسێش دژوو مسڵەحەتەکاو ڕژێموو ئێرانی وەشۍ کەردێنۍ.

ک. ز.