ژمارەو گیان جەدەسدای بە مەڵامەتو بومەلەرزەکەو تورکیای نزیک بیەنۊ جە ٣٩ ھەزار کەسا
بەمەڵامەتو بومەلەرزەکەو تورکېایۊ تا ئېسە زیاڎ جە ٣٩ ھەزار کەسا گېانشا جە دەسدان و نزیک بە ١٤٧ ھەزار کەسایچ زامڎارۍ بېێنۍ.
بەمەڵامەتو بومەلەرزەکەو ڕۊو ٦و شوباتی کە بەشۍ جە شارەکاو سەرنېشتوو ۋەرنېشتوو کورڎسانی و ۋڵاتەکاو سوریای و تورکیایش گێرتۊ، تا ئېسە جە تورکېا ٣٩ ھەزارۍ و ٦٧٢ کەسۍ گېانشا جە دەسدان و ژمارەو زامڎارەکایچ یاۋان بە ١٤٧ ھەزارۍ و ٩٣٤ کەسۍ.
بەپاو ئامارە فەرمیەکا، بەمەڵامەتو بومەلەرزەکەیۊ ١٥ ملوێن کەسۍ زەرەرشا ۋنە کۊتەن و ٢٠ ھەزار باڵەخانۍ و یانۍ وڕێنۍ، ھەر بەپاو ئامارەکایچ جە ئېسەنە نزېک بە ١٨٠ ھەزار کەسا چێرو دارو پەردو بېنا وڕاکانە مەنێنۍ.
سەرسەعبو ڕۊو ٦و ئی مانگۍ، چن بومەلەرزێۋە کە بەقوەتەرینشا گوڕەکەش ٨.٧ پلۍ بۍ بەپاو پېـمانەو ڕێختەری، بەشۍ جە شارەکاو سەرنېشتوو ۋەرنېشتوو کورڎسانی و ۋڵاتەکاو سوریای و تورکیایش لەرناۋە، جە ئېسەنە ژمارەو قوربانیەکا جە سەرنېشتوو کورڎسانی و ۋڵاتو تورکېای ۋەردەوام ئېنا بەرز بیەیۊنە.
ھ.ش
