بە سەرمەشقایەتی تاژێ و یەژەجەشەی، ژەنێ ئێزدیێ و عەرەبێ جە سنونەنە بە بەشداربیێوە جەماوەری ٨ـیو ئاداریشا پیرۆز کەرد. ژەنێ بە جلوبەرگو کلتووری وێشاوە وەردەمو هۆڵو سنونی گلێرێ بیێوە، بە بەرزکەردەیۆ وێنەو ڕابەر ئاپۆی و ئاڵاو تاژێ بە هەڵهەڵە دایوەنە لوێ تەلارەو زەماوەنەکێوە.

کاتو مەراسیمەکەینە جە گرڏ تەمەنێوە وێنەو ڕابەر ئاپۆیشا بەرزکەردۆ و سڵامشا جە پەیامەکەو ڕابەر ئاپۆی کەرد.

زەماوەنەکێ بە دەقێوە ڕێز ونە نییای دەسش پنەکەرد، دماتەر جە لایەنو ئەندامو دیپلۆماسی تاژێ سوهام شەنگالیێوە پەیامەکەو ڕابەر ئاپۆی ونریاوە کە جە ئیمراڵییۆ بۆنۆو ٨ـو ئاداریۆ ئاڕاسەو ژەناش کەردەبێ. چنی تەمام بییەو وانایۆ پەیامەکەو ڕابەر ئاپۆی، ژەنە بەشداربییەکێ زەماوەنەکێ بە درووشمو و هەڵهەڵەو سەرکۆتەی پێشوازیشا جە پەیامەکەی کەرد.

زەماوەنەکێ بە گێڵناو زەماوەنێ و سەماو کلتووری دمایش ئاما.