ژەنە زیندانیێوە ئێرانەنە بۆنەو چارەسەرنەکەردەی برینەکەیشۆ،گیانش جەدەس دا
زیندانیێوە سیاسییە بە نامێ سارا دێلدارێوە کە بەبرینداری زیندانێوە ئێرانینە ئازیێبێوە، بۆنەو چارەسەرنەکەردەی برینەکەیشۆ گیانش جەدەس دا.
زیندانیێوە سیاسییە بە نامێ سارێوە، کە سەروەختوو وێنیشانەدایەکاو شۆڕشوو "ژەنی، ژیوای، ئازادی"یوە بە فیشەک بریندارە بییە،زیندانەنە ئازیاوە،بۆنەو چارەسەرنەکەردەی برینەکەیشۆ گیانش جەدەس دا.
بەپاو میدیاکاو ئۆپۆزیسیۆنی، یوە جە هامڕایەکاو سارێ کە گەرەکش نەبێ نامێش بێ، ئەوەخوایش کەردەنۆ، کە وەرپەرساو زیندانی ڕاشا نەدێنە برینەکەو سارێ چارەسەر بکریۆ، دۆخش خراپتەر بییەن و مەردێنە.
سارا دێلدارە پێسەو چالاکێوە بەشدارێ جە وێنیشانەدایەکاو شۆڕشوو "ژەنی، ژیوای، ئازادی"ینە، دمایی لاو هێزەکاو ئێرانیوە گیریا و سزاو زیندانییش ملەرە سەپیا، وەختوو ئەوەکۆڵیایچەنە ڕووبەڕووەو تندوتیژیی جەسەیی و دەروونی بیۆ.
