پلاتفۆرمو رێکوزیا دیموکراتیکەکا ئارۆ ئێلیحەنە گلێرۆبیەی 'دیموکراسی و ئازادی' ساز مکەرۆ. وەڵۍ گلێرۆبیەکەینە ژەنی بە سەرمەشقایەتی جمېیەرو ژەنا ئازادی (تەژەئا)ی جە پارکو یەڵماز گونەینە کوۍ بیێوە. ژەنا لافیتێوەشا بەرز کەردۆ کە سەرشۆ نویسیابۍ "جە دژو گۆشەگیری ژەنا ۋێڕاگری مکەرا" و دروشمەکۍ "ژەنی، ژیۋای، ئازادی"و "شارەوانی پەی ئێمەن"و " بە مڎرامان سەرۍ گنمۍ" و "بژیۋۆ مڎرامانوو گەلوو کوردی"یشا واتۆ.

هامسەرۆکۆو گرڎینەو پارتو هەڕێمە دیموکراتیکەکا (دەبەپە)ی چیدەم کلیچگون ئوچارە، هامسەرۆکۆو گرڎینەو پارتو دیموکراسی و یەکسانی گەلا (دەم پارتی) تولای حاتەمئۆغیولاریە، هامسەرۆکۆو شارەوانی، چالاکا تەژەئای ئایلا ئاکات ئاتا و پەرلەمانتارا دەم پارتی بەشداریشا جە ڕاپیماکەینە کەرڎ.

ئا هاموڵاتیۍ کە دۊروبەرو ڕاپیماکەیرە ۋېیەرێنۍ پەشتیوانی ۋێشا پەی چالاکا بەربڕی.