سەڎان ژەنی کانتۆنو فوراتینە بە ڕاپیمایۍ جەماوەری سیستەمو ئەشکەنجەی و قڕکەرڎەی سەرو ڕابەرو گەلوو کورڎی عەبدوڵا ئۆجالانیشا شەرمەزار کەرد. ڕاپیماکەی بە درووشمەو "ژەنی، ژیۋای، ئازاڎیی" و "ئازاڎی جەسەیی پەی ڕابەر ئاپۆی، چارەسەری پەی پەرسوو کوردی" ئەنجامدریا. ڕاپیماکەی جە مېڎانو ژەنۍ ئازاڎۍ جە شارو کۆبانێنە دەسش پنە کەرڎ و جە مېڎانو ئازاڎینە دمایش ئاما.

وێنەو ڕابەرو گەلوو کورڎی عەبدوڵا ئۆجالانی و لافیتەو "ژەنی، ژیۋای، ئازاڎیی"  و "ئازاڎیی جەسەیی پەی ڕابەر ئاپۆی، چارەسەری پەی پەرسو کورڎی" هۆرگیریۍ، درووشمەو "ژەنی، ژیۋای، ئازاڎیی" و "بژیۋۆ مڎرامانوو ئیمراڵی" و "بێ سەرۆکی ژیۋای نمەبۆ" بەرزۍ کریێوە.

جە مېڎانوو ئازاڎی، دماو دەیەقێوە ڕێزگېرتەی جە گەشمەرڎا، بەنامۍ جمییەرەکا ژەنا کانتۆنو فوراتی، هامسەرۆکەو دەسەو جوانا و وەرزشی، ئاڤاشین مستۆ قسێش کەرڎۍ.

ئاڤاشینە سەرنجش وست سەرو گۆشەگیری ڕابەرو گەلوو کورڎی عەبدوڵا ئۆجالانی، ئەرەیاۋناش ڕابەرو گەلوو کوردی عەبدوڵا ئۆجالانی بە ڕامانە ئازادەکاش پېسە ڕابەرو ئەرەکۊشای مشناسیۆوە.

ئاڤاشینە گۆشەگیری سەرو ڕابەرو گەلوو کوردی عەبدوڵا ئۆجالانی پېسە گۆشەگیری سەرو گرڎو گەلا هۆرسەنگنا، واتش: " پېسە مزانمۍ هیچ زانا و فەیلەسوفێوە هێڵۊو ئازاڎیی ژەناش پێناسە نەکەرڎەن، بەڵام ڕابەر ئاپۆ ڕاسی و جەوهەرو ژەنێش ئشناسا و ئازاڎیی ژەنایچ بینۆوە بە ئازاڎیی گلېرگەیۆ. گۆشەگیری تن و ڕەها جە کەسایەتی ڕابەر ئاپۆینە، دژوو تەمامو ژەنان. بە فیکرو ڕابەرایەتی هێزو ژەنا وەڵێکۊتەن و پی فیکرۆ ۋێشا ڕێکوستەن".

ئاڤاشینە ئەرەیاۋناش ئەرکو ژەنان درێژە پی شۆڕشیە بڎا، واتش: "خاوەنداری جە ڕابەریما مکەرمۍ. ئێمەی ژەنا جە سەیەو ڕابەر ئاپۆیۆ ۋێما ئشناسا. ئێمە ڕابەرایەتی بەشێوەی جەسەیی ئازاڎ مکەرمۍ و دلۍ ۋێمانە موینمێش ".

چالاکییەکە بە بەرزکەردەیۆ درووشمەکا "ژەنی، ژیۋای، ئازاڎیی" و "بێ سەرۆکی ژیۋای نمەبۆ" دمایش پنە ئاما.