ھێزەکا ڕزگاریی عەفرینی سەبارەت بە دماېن چالاکییی ئانەشا بەر وست: گورزێۋی قورسشا وەنەو ٤ سەروازگا سوپاو ترکیەی ئەرەگیری دان .

دلێنەو ېاونەروو ھێزەکاو عەفرینی سەبارەت بە دماېن کۆشیایشا پی جۊرە زانیارییش دان:

*جە ئاکاموو جوابداېۊ ھجوومەکاو ترکیەی ئەرەگیرېەنە، ھێزەکێما جە مەحاڵوو بابوو شێراوای کۊشیای تایبەتشا پۍ تۊڵەئەساېۊ شەھیڎەکاما بە ئاکام ېاۋنا،  کە جە عاقیبەتوو ھجوومە عاسمانییەکاو ڕۊدېاروو (١٩) مانگەو تشرینوو دووەمینە شەھیڎۍ بیێبێنۍ.

 *جە ڕۊدېاروو (٢٢) کانوونوو ېۋەمیەنە، جە دەگاو تویس-ی جە مەحاڵوو باب-یەنە  دژوو سەربازگەو سوپاو ترکیەی ئەرەگیری، کۊشیاې کریا .جە عاقیبەتنە  (٢) سەربازۍ ئەرەگیرې زامڎارۍ کریۍ.

* جە ڕۊدېاروو (٢٦) کانوونوو ېووەمیەنە، جە مەحاڵوو شێراوای ھجووم کریا سەروو چوار سەنگەرا سوپاو ترکیەی ئەرەگیری، کە ماوێوەن جە لاېەنوو ھێزەکاماوە وزیێنۍ چێرو چەمڎارې، جە سەعات (١٢:٠٠) نیمەشەوۍ جە چوار قۊڵێوە ھجووم کرېا سەروو سەنگەرەکاو دوژمنی، دماو جەنگێوی قورسی ھەر چوار سەنگەرەکۍ جە لاېەنوو ھێزەکاماوە دەسشا گیرېا سەرەرە و (٩) سەربازۍ ترکیەی ئەرەگیریچ کوشیۍ.

* ئا چەک و چێوە کە دلێنە بریۍ و دەسشا سەرەرە گیرېا ئینۍ بێنۍ:

(٢)کەپرۍ، (٢)خێمۍ، (٤) سەنگەرۍ، دۊشکێۋە ١٢.٥ ملیم  و نیمە، چەکێۋی ئێم ١٦ بە گولەکاشۊ، (٧) ماتۊڕسکیلۍ، (2) مۊلیدۍ کاربێ، تەلەفزوێنێوە و ېوپی ئێس-ێوە کۊمپیوتەری و ئامێرێوە ئەنتەرنێتی دلێنە بریۍ . ھەر پاسە (ە) چەکۍ ئەی کەی -٤٧، بیکەیسیێوە، 1بی -٧، قەناسێوە، دەمانچێۋە ، (٤) ئامێرۍ ، (٤) ڕەختۍ ، (٥) تەلەفزېۊنۍ، چنڎېن ڕۊکێتۍ بیێ -٧ دەسشا گیرېا سەرەرە، ترۆمبیلێوە زنجیر، کە پەی بە پەشتیوانیی ھێزە ئەرەگیرەکا ئاما بۍ ئاڎیچ کرېا ئامانج و دریاش وەنە.

 دماتەر وەختۍ دوژمن گەرەکش بۍ جەنازاو سەربازەکاش واڕۊوە، ھەمڎیسان ھێزەکێما ھجوومشا کەردێۋە سەر و عاقیبەت (٣)

ئەرەگیرێتێ تەرێ کوشیۍ . کۊو گرڎوو کوشیایەکاو ترکیەی ئەرەگیری (١٢) کوشیۍ و چن زامڎارێوە بێنۍ،  کە ژمارەو زامڎارەکا نەزانیان.

کۊشیاکێما دژوو ئەرەگیرەکا درێژەشا هەن .

ھ.ئ