زینانیا ژەنې جە زینانو ژەنا ئېۋینینە جە تارانەنە کە ئا زینانە بە ئەشکەنجەدای زینانیا نامیەن، ئەرەیاوناشا، بە مانگېرتەی جە واردەی پەشتیوانی جە مانگېرتەی گرڎی مکەرا کە بۊنەو دوەم ساڵڕۊو سەرهۊردای 'ژەنې، ژیوای، ئازادی'ۆ ئەرەیاویان.
بەپاو هەواڵوو ئاژانسو ژنهای ئا ژەنۍ جە زینانو ژەنا ئېۋینینە شەوەی ۋېیەرڎۍ بۊنەو دوەم ساڵڕۆو سەرهۊردای ژەنی، ژیوای، ئازادی کە دمابەدماو کوشتەو ژینا ئەمینیۍ دەسشپنەکەرد، جە حەوشۍ زینانەکەینە گلێرۍ بېیېوەو و وێنیشاندایشا کەرڎ. جە وێنیشانداکەیشانە زیندانیەکۍ سەرپۊشەکېشا لابەرڎېو و ئێرشا وەردانە و دروشمەکېشا واتێوە.
چالاکیەکۍ سەرو پەلیانەکا نێرگس محەمەدیێوە براوۍ خەڵاتو ئاشتی نۆبڵی جە تۆڕەکۆمەڵایەتیەکانە وەڵۍ کریێوە و چا بارۆ ئەرەیاوییا، "بۆنەو دووەم ساڵرۆو سەرهۆرداو ژەنێ، ژیوای،ئازاڎیۆ کە بە کوشتەو ژینا ئەمینیۍ دەسش پنەکەرد، زیاتەر جە ٢٥ زینانیێ سیاسیێ ژەنێ جە حەوشێ زینانی ئێڤینینە گلێرۍ بیێوەو، سەر و کارتۆن و مقەبایاوە دروشمێشا نویستۍ و پۆ دیوارەکا زینانیۆ هۆرشاواسۍ. جە ڕاڕەو و حەوشۍ زینانینە دروشمەکی 'ژەنێ ژیوای، ئازادی'شا واتێوە. نامێ ئا کەساشا وانێوە کە کوشیێنۍ و جە قەنارە دریێنۍ. زینانیا ژەنی بە ئامانجو شەرمەزارکەردەو سیاسەتو سەرکۆنە کەردەو ژەنێ و سەپنای حیجابی زۆرملێ، سەرپۆشەکێشا لابەردێو و سۆچنێشا. ژەنێ وێڕاگرۍ ئەرەیاوناشا، ئاڎێ ڕۆو یەکشەمەی پەی پەشتیوانی جە مانگرتەی سەرانسەری، مانی جە واردەی مگێرا".
