میانگەو یاۋنەری و چاپەمەنی یەکینەکێ پارێزنای سڤیلی (یەپەسە) بە ۋەڵاکریای لەشکری ئاشکراش کەرد: "جە ۲۰۱۹/۰۱/۲۱ی، جە گەورە شارێ ئەستەنبوڵی و جە تشرینی دووەم-و ۲۰۱۸ی، جە ئزمیر یەکینەکێ شەهید زریانی و شەهید چیاگەری سەر بە (یەپەسە)ی چالاکیێشان دژ بە هێزە ئەمنییەکانو تورکیای ئەنجامێ دێنێ و دوژمن زیانی گیانی مادی فرەش ۋنە کەوتەن".

(یەپەسە) جەی بارەۋە زانیاریێ وردێش دێنێ و ئاشکراش کەردەن:

"جە گەڕەک-و ئۆرنەکی دلێ ئەستەنبوڵ-یەنە، دژ بە هێزە ئەمنیە ئێشکگرەکان چالاکی ئەنجام دریان. جە چالاکییەکەنە گورزی قورس جە دوژمنی دریان، بەڵام جەی بارەۋە ئامارێ ورد سەبارەت بە زیانەکێ دوژمنی بەدەست نەۋزیان".

"هەر جە ئەستەنبوڵ، بەڵام جە گەڕەک-و ئەسەن یۆرتی، کارگەو ڕێسای و چنیەی سەر بە ئاکەپەی ئێر دریان و جە ئاکامەنە بە تەمامی سۆتەن و ملیۆنان دۆلارێ زیانی مادی جە ئاکەپەی دریان. دیسان جە هەمان گەڕەکە بەڵام جە ۲۰۱۹/۰۱/۱٥ی، ماشین-و کەسێ ئاکەپەیی بە تەمامی سۆچنیان".

جە کۆتایی وەڵاکریاکەیەنە یەکینەکێ پارێزنای سڤیلی (یەپەسە)، زانیاریێ تەرش سەبارەت بە چالاکیێ تەری دان و ئاشکراش کەردەن: "جە تشرینی دووەم-و ۲۰۱۸ی، جە ئیزمیر شەڕڤانەکێ یەپەسەی ئێرشان وەردان ئوتوپارک-ێۋی و جە ئاکامشەنە سەدان ماشینێ سۆچنیێنێ و بە ملیۆنان دۆلارێ زیانی ماددیش دمارە ئۆمان".