شاندی ئاکەپە بۆ پیرۆزکردنی جەژنی ڕەمەزان سەردانی ناوەندی گشتی دەم پارتی کرد.شاندەکەی ئاکەپەدا پێکهاتبوون لە جێگری ئاکەپە ڕەسوڵ کورت، سانیە نەنفیەچی و عەبدولقادر قادیرئۆغلوو.

لە سەردانییەکەدا یوکسەل مووتلوو بە ناوی دەم پارتییەوە قسەیکرد و دوای  پیرۆزکردنی جەژن لە شاندەکەی ئاکەپە، سەرنجی خستەسەر ئازاری ئەو دایکانەی کە ڕۆڵەکانیان لەم جەژنەدا لە گرتووخانەکان و گۆڕەستانەکاندایە و هیوایی هێنانەئارای ئاشتی خواست بۆ کۆتایهێنان بە ئازاری دایکان.

دواتر ڕەسوڵ کورت بەناوی ئاکەپەوە قسەیکرد و گوتی: "ئەو بانگەوازییەیی بە بەرپرسیارێتییەکی مەزنەوە لە ئیمراڵییەوە درا، لە نێو کۆمەڵگەدا بە ئەرێنی وەرگیرا."

هاوکات هەر ئەمڕۆ شاندێک لە دەم پارتی سەردانی ناوەندی گشتی ئاکەپەی کرد و لە لایەن بەرپرسانی ئاکەپەیی بەلگین ئویگور، نەجمەدین ئەرکان و ڕوقیە تۆییەوە پێشوازییان لێکرا.

بەردەوامی سەردانییەکان

پارتی گەلەجەک (ئایندە)یش سەردانی دەم پارتی کرد. لە سەردانییەکەدا مەریەم تورکتەکین دەستنیشانی کرد دەبێت بە ڕێگەی دیالۆگ پرسە بنەڕەتییەکانی تورکیا چارەسەربکرێن.

نوێنەری دەم پارتیش ئاماژەی بەوەدا هەموو تێکۆشانیان بۆ تورکیایەکی دیموکراتیکە.

سەردانییەکانی جەژنی دەم پارتی بە سەردانیکردنی پارتی سەعادەت و پارتی دەڤا بەردەوام دەبێت.