ئامادەکارییەکانی بۆ پیرۆزکردنی ٤ی نیسان ڕۆژی ڕۆژبوونی ڕێبەر ئاپۆ درێژەی هەیە. کۆردیناسیۆنی تەڤگەری چاند و هونەری کەوانەی زێڕین، ڕۆژبوونی ڕێبەر ئاپۆی وەک ڕۆژبوونی گەل و مرۆڤایەتی هەڵسەنگاند و بەو بۆنەیەوە پەیامێکی بڵاو کردەوە.

لە پەیامەکەییدا کەوانەی زێڕێن هەڵسەنگاندنی بۆ کات و شوێنی لە دایکبوونی ڕێبەر ئاپۆ کردووە و دەڵێت: "لە مێژووی کوردستاندا گوندێکی بچووک بە ناوی 'ئامارا' و ٤ی نیسان ڕۆژی لە دایکبوونی لاوێکی ئەم گوندە، لە هۆشمەندی گەلی کورد و گەلاندا مانادارییەکی قوڵی هەیە. لەبەرئەوەی لە دەووروبەری ڕێبەر ئاپۆ کە لە ٤ی نیسان لەم گوندەدا لە دایکبووە، لە ماناداری هەبوون و نەبووندا چارەنووسی گەلی کوردی گۆڕی. هەڵوێست و هەڵبژاردەی ئازادی پێکهێنا و بووە ئیلهام و هێز بۆ گەلەکەمان."

لە بەردەوامییدا ئاماژە بە ٤ی نیسان وەک ڕۆژی هەبوونی گەل بە گشتی و ژنان بە تایبەت کراوە و دەڵێت: "لە هەموو شوێنێک ژن هەبوون و خۆبوونی خۆی، لەم ماناپێدانەدا بەدەستهێنا. هێڵەکانی ئازادی ژن بە ڕۆژبوونی ڕێبەر ئاپۆوە خۆی درووستکرد و گەورەترین هێزی هۆشمەندی و هەبوونی پێکهێنا. بۆیە ژنان ناوی ئاماراین بۆخۆیان هەڵبژارد و لە ڕۆژی ٤ی نیساندا وەک هێمای خوڵقداری لە هەموو جێگەیەک داریی ژیانیان چاند. لە هەموو ئەو جێگانە بە 'ژن، ژیان، ئازادی' دەنگییان هەڵبڕی. بۆیە هەموو ساڵێک ڕۆژبوونی ڕێبەر ئاپۆ بەرفراوانتردەبێت و ژن وەک ڕۆژبوونی خۆی ماناداری کردووە."

لە کۆتایی پەیامەکەدا ڕۆژی ٤ی نیسان لە گەل، تەواوی ژنانی ئازادیخواز پیرۆز کراوە و هاتووە: "بە چاندنی نەمام جوانترین دیاری پێشكەشی وڵاتەکەمان بکەین. چونکە جوانترین دیاری، پێكهێنانی وڵاتێکی جوانە، ئاواکردنی کەسایەتییەکی جوانە. بەجۆشی ئەم ئاواکردنەوە ٤ی نیسان ڕۆژی هەبوون و خۆبوون پێشوازی و پیرۆز دەکەین."