جەنگاوەرانی ماک لە بەیاننامەیەکی نووسراودا ڕایگەیاندووە لە ٤ی شوبات کاتژمێر ١٩:٣٠ لە سوری ئامەد، دژی بازرگانێکی تورکی ماددەی هۆشبەری بە ناوی ڕ.ئا. چالاکیان ئەنجامدا و وتی: "ماڵی ئەو کەسەی کە ماددەی هۆشبەری بە گەنجان دەفرۆشت و گەنجانی دەخستەناو شەڕی تایبەتەوە و لە ژیانی ئاسایی بەدەریانی دەکرد بە چەکی شەخسی کرایە ئامانج."

هەروەها ماک ڕایگەیاندووە کە هەمان ڕۆژ کاتژمێر ٢٠:٠٠ لە ناوچەی مەزارگەی شەهیدانی ئامەد، بازرگانێکی ماددە هۆشبەرەکان بە ناوی ج.ب. بە تەقەمەنی دروستکراو کردووتە ئامانج و ڕاگەیاندووە: "جەنگاوەرانمان بە تەقەمەنی دروستکراو ماڵی کەسێکی بازرگانی ماددە هۆشبەرەکانیان کە گەنجانمان لە ژیان بەدەر دەکەن کردە ئامانج."