پارتو هەرێمە دیموکراتیکەکا (دەبەپە)ی و پارتو یەکسانی و دیموکراسی گەلا (دەم پارتی) پەی گفتوگۆکەردەی سەرو پەیامەکا ڕابەر ئاپۆی 'چالاکی ئاشتی کۆمەڵایەتی و ئازادی' دەسش پنەکەردەبێ. چی چوارچێوەنە جە شڕنەخەنە چنی گەلی گلێرۆبییەشا ئەنجامدا. گلێرۆبییەکەی بە بەشداری نوێنەراو پارت و ڕێکوزیا مەدەنییەکا جە هۆتێلێوە شارەکەینە ئەنجامدریا.

جە گلێرۆبییەکەینە چیدەم کلچگون ئوچارە قسێش کەردێ و جە سەرەتاو قسەکاشەنە بە ئاماژەدای بە بەردەوامی هرووژمەکا دۆڵەتو تورکی سەرو هەرێمەکا سەرنیشتوو و وەرکەوتوس سووریای.

جە بەردەوامەنە ئوچارە سەرنجش وست سەرو ئا پرۆسەیە کە ڕابەر ئاپۆ سەرمەشقایەتش مکەرۆ و بە نەخشە ڕێوە گرنگ نیاشەرە پەی چارەسەو پرسەکا واتش: "پێشئامێ و گەشەکەردەی سەبارەت بە پرسو کوردی، دەرفەتێوە تاریخیێنێ پەی دەسەڵاتداری. مەبۆنە پرۆسەکەی پێسەو ئامرازێوە بەکاربێنە. چی پرۆسەنە دەنگ هورپڕای ئازادی گرنگ ئینا ئارانە، ئاڏش ئێژا عەبدوڵا ئۆجالانا کە جە ئیمراڵیینە زینان کریان. ئا نەخشەڕا ئێژا ئۆجالان وستەنش ڕووە، گرڏ کەسێ چمش ئینا شۆنیۆ. پنەما  چانەن مافو هیچ کەسێوە نییا پرسو کوردی وسا پەش گۆش. چی دۆخەنە دووێ بژاردێما ئینێ وەڵێنە؛ یان ئانەن ئی دەرفەتا بەکاربارانە و کەرانەش بنەماو ئاشتی یان ئانەن تامەنێنێ جە ئێشو و نەهامەتییەکا جەنگدینە مژیوا. چی بابەتەنە هەڵوێسو گەلوو کوردی جە بەڕێز ئۆجالانینە فرە ۆشنا."