کۆبوونەوەى یادکردنەوەی شەهید یوسف ئۆک - ی باوکی چوار منداڵ، کە لەگەڵ چوار کەسی تردا لە ناو ئۆتۆمبێلێکى مەدەنیدا لەلایەن هێزە ئەمنییەکانى تورکیاوە کوژران، لە ناوەندی کۆمەڵگەى دیموکراتیک و بە بەشداریى خزم و کەسوکاری ئۆک بەڕێوەچوو.

لە مەراسیمەکەدا وێنەکانى ئۆک و ئاڵاکانى پەکەکە هەڵواسران. دواى خولەکێک بێدەنگی بۆ رێزگرتن لە گیانبەختکراوانى تێکۆشانیى ئازادیى کوردستان، خالیس سەڤەر هاوسەرۆکى کۆمەڵگەى ئازاد لە نەمسا وتەیەکى پێشکەشکرد و وتى، گەلی کورد بە هەموو شێوەیەک و بە هەموو توانای خۆیەوە خاوەنداری لە شەهیدەکانى دەکات.

سەڤەر ئاماژەی بە گۆشەگیریى سەر عەبدوڵا ئۆجالان رێبەری گەلی کورد کرد و وتى، هەرگیز گۆشەگیری قبوڵ ناکەن و ئیرادەى گەلی کوردیش بە گۆشەگیری تێکناشکێت.

ئۆک تەمەنی ٣١٧ ساڵ بوو و لە ١٠ی تشرینى یەکەمی ٢٠١٨ لە گوندی ئینالی لە ناوچەى گمگی پارێزگاى موش لەلایەن هێزە ئەمنییەکانەوە راگیرابوو و سەرباری ئەوەى هەر ٢ دەستەکەى خۆیشى بەرزکردبووە، بەڵام لەلایەن هێزە ئەمنییەکان دەستڕێژی گولـلە لە خۆی و ئۆتۆمبێلەکەى کرا و لەگەڵ ٤ کەسی تردا شەهیدیان کرد. سەربازانى تورکیا رێگایان نەدابوو لە گوندەکەى خۆیدا پرسەى بۆ دابنرێت.

ر.م