کۆمیتەی بەێوەبەری بزووتنەوەی شۆڕشگێڕی یەکگرتووی گەلان (هەبەدەهە) بەیاننامەیەکی نووسراوی سەبارەت بە یادی ١٠٩ ساڵەی گلێرکۆژی ئەرمەنیەکان بڵاوکردەوە.

ئەرەیاونایەکەو هەبەدەهەی ئینەنە:  

"٢٤و نیسانو ساڵەو ١٩١٥ سەرەتاو کۆکوشیی گەلو ئەرمەنیین، زیاتەر جە١٠٩ ساڵا ملوو ئا گلێرکوشییەیرە ویەردەن کە دەسەڵاتداراو عوسمانیی کەرد. هەڵای ئازار و برینەکاو گەلو ئێمەی ئەرمەنی پێسە وەک ڕۆو یوەمی زیندێنێ و دماییشا نامان"

ملوێن و نیمێ  گەلو ئێمەی ئەرمەنی بە دەسو ئیتحاد و تەرەقی  پەی قەوەتکەردەی دەسەڵاتدارییەکەیشا گلێرکوشێ کەردێ. ئا کەسێ گلێرکوشییەکەنە ڕزگارشا بی، پێسەو پەنابەری گردو جیهانینە وەڵا بیێوە و ناچارێ بیێ بەرو خاکو وێشاوە غوربەتنە بمەناوە.  

گلێرکوشییەکە تەنیا بە جەسە نەکریا، بەڵکوم گردو سەرچەمە ماددییەکاو گەلو ئەرمەنی تاڵانێ کریێ و پێسەو سەرچەمەو سەرمایەی پەی بۆرژوازی نەتەوەیی تازەو تورکیای دەسشا ملەرە گیریا.

گەلاو تورکیای و کوردستانی، شۆڕشگێڵنێ، سۆسیالیستەکێ و وەڵاتپارێزنێ، دماو تیرۆرکەردەی هرانت دینک فرە تووڕێ بیێ و بە دروشمو؛ "گردما ئەرمەنیێنمێ" کوێ بیێوە و گورزێوی گەورەشا ونەو سیاسەتە فاشیستییەکاو دەوڵەتو تورکی شانا. ئی تووڕەییە جەماوەرییەو ملوێن کەسییە هەنگامێوی فرە گرنگە بێ پەی ڕووبەڕووبییەیوە گلێرکوشیی ئەرمەنییەکا. بەڵام دەوڵەتی داگیرکەرو تورکی هەڵای ڕەگەزپەرسیی پێسەو چەکێوی گرنگی دژو گەلا بەکار مارۆنە.

ساڵیادوو گلێرکوشیی ئەرمەنییەکانە، کرێکاراو تورکیای، ژەنی کرێکارێ تورکێ و گەنجاو تورکیای پێویسا بە نیشانەدای هەڵوێستو وێشا دژو ئی تاوانە نائینسانانەیە کە لاو دەسەڵاتداراو تورکیایوە کریان هەرمانەی ئینسانییەو وێشا وەش بکەرا. پێویسا هامبەشێ ئازارەکاو گەلو ئەرمەنی با و داواو چەنەویەردەیشا وەنە بکەرا.

پێوەس پینیشاوە  پێویسا مافو گەلو ئەرمەنیما و داوا دیموکراتیکەکێشا ددانسا بنریۆ پۆرە و چوارچوەو کۆشیای سیاسیینە وربسەنگنیا. پەی دماییئاردەی بە سیاسەتەکاو چەوسنایۆ و زوڵمی دژ بە کولتوور، ئایین، ویروباوڕ و بنیاتنیای ژیواێوی یەکسانی، شکۆمەندانە و ئازادی، داواو وەرفراوانکەردەی مەیدانو کۆشیای شۆڕشی یۆگێرتەو گەلان مکەرمێ.