گەریلا تی ڤی کۆتا بەشی دیمەنەکانی ئۆپراسیۆنی شۆڕشگێڕی شەهید لەیلا ئامەدی بڵاوکردەوە، کە ٢٦ی تشرینی دووەمی ٢٠٢٣ لەلایەن گەریلاکانی ئازادیی کوردستانەوە ئەنجامدرا. لە دیمەنەکەدا گەریلاکان چەک و کەستە سەربازییە دەستبەسەرداگیراوەکان نیشان دەدەن.

ناوەندی راگەیاندن و چاپەمەنی هەپەگە پێشتر رایگەیاندبوو، کە لە ئەنجامی ئۆپراسیۆنی شۆڕشگێڕییدا ١٨ سەربازی تورک سزادراون و لەبارەی ئەو چەک و کەرستە دەستبەسەرداگیراوانەش رایگەیاندبوو، "هێزەکانمان لە سەر تەرمی داگیرکەران چەکێکی نیوئۆتۆماتیکی بی کەی سی، بۆمهاوێژێک، ٢ چەکی سوکی ئێم پی تی- ٥٥، ١٢ مەخزەنی چەکی ئێم پی تی- ٥٥، مین دۆزەرەوەیەک، ٢ دووربینی چەک، تەلەفونێکی گەورەی مانگی دەستکرد، ٢ تەلەفون، دوربینێکی تەرماڵ، ٢ پاوەربانک، ٤ بەرگی دژە ئاو، دوو قەمسەڵە یان پاڵتۆ، هێلەکێکی سەربازی، قاتێک جلی سەربازی، کڵاوێکی سەربازی، جانتایەکی فریاگوزاری تەندروستی، تەرمۆزەیەک، جوتێک دەستکێش و دوو چەقۆ دەستیان بەسەردا گیراوە".

هـ . ب