شەهید زیلان (زەینەب کناجی) لە ٣٠ حوزەیرانی ١٩٩٦دا لە دژی هێرشەکانی سەر رێبەری گەلی کورد عەبدوڵا ئۆجالان لە دێرسیم لە بەرامبەر سەربازانی تورک چالاکی گیانبازی ئەنجامدا و ناوی خۆی بە پیتی زێڕین لە مێژووی کوردستاندا نوسیەوە.

بەپێشەنگایەتی تاژێ و بەشداربوونی ئەندامانی ئەنجومەن، رێکخرا و دامودەزگاکانی شەنگال بە سمینارێک یادی شەهید زیلان کرایەوە. سمینارەکە لە ئەنجومەنی گەلی خانەسۆر بەڕێوەچوو.

لە خانەسۆر سمینارەکە بە خولەکێک رێزلێنان لە گیانی شەهیدان دەستیپێکرد. دواتر بەڵگەفیلمێک لەسەر کەسایەتی و تێکۆشانی شەهید زیلان نمایش کرا. هەروەها نامەی شەهید زیلان کە لە دوای خۆی جێیهێشتبوو لە سمینارەکەدا خوێندرایەوە.

لە سمینارەکەدا بەشداربووان روانینی خۆیان هێنایە بەرباس و رایانگەیاند کە شەهید زیلان پێشەنگی شۆڕشی گەلان بوو، خاوەنداری لە رەنجی شەهیدان بە خۆرێکخستن دەستەبەر دەبێت. هەروەها دەستنیشان کرا کە کۆمەڵگای ئێزدی دوای ناسینی هزر و رامانی رێبەر ئاپۆ تێگەیشتن کە ژیانی ئازادی بە بێ قوربانیدان ناکرێت و ئێزدییەکانیش لەو پێناوەدا چەندین کەسی پێشەنگیان بەخت کردووە.

سمینارەکە بە وتنەوەی دروشمی 'ژن، ژیان، ئازادی' کۆتاییهات.

هـ . ب