هاوسەرۆکایەتی دەستەی بەڕێوەبەری کەجەکە لەبارەی هێرشی دەوڵەتی داگیرکەری تورک لەسەر سێ پارچەی کوردستان و گۆڕەپانی گەریلا راگەیەندراوێکی بڵاوکردەوە و گوتی، " پێویستە گەلەکەمان لە چوار پارچەی کوردستان و دەرەوە لە هەموو جێگەیەک، هەستنە سەرپێ."
هاوسەرۆکایەتی دەستەی بەڕێوەبەری کەجەکە لەبارەی هێرشی دەوڵەتی داگیرکەری تورک لە شەوی ١٩ی تشرینی دووەمدا راگەیەندراوێکی بڵاوکردەوە.
راگەیەندراوەکە بەم شێوەیەیە:
هێرشی فاشیست شەرمەزار دەکەین
" دەوڵەتی قڕکەر و داگیرکەری تورک ١٩ی تشرینی دووەمی ٢٠٢٢ لە بەرانبەر باشور، رۆژئاوا، رۆژهەڵات و هەرێمەکانی پاراستنی میدیا هێرشێکی چڕی دەست پێکرد. لە هێرشەکاندا کە لە بەرانبەر هەموو کوردستان و گەلی کورد ئەنجام دەدرێت، بە دەیان شوێن و دەڤەر بە ئامانج گیراون و لە ئەنجامدا ژمارەیەکی زۆر کەس شەهید و بریندار بوون. ئێمە ئەو هێرشە فایشت و قڕکەرە کە هەموو کورد دەکاتە ئامانج و لە بەرانبەر ئاشتی هەرێمەکە و خوشک و برایەتی گەلانە شەرمەزار دەکەین، بەڕێزەوە یادی ئەو کەسانە دەکەینەوە کە لە هێرشەکاندا شەهید بوون و هیوای زوو چاکبوونەوە بۆ برینداران دەخوازین. فاشیزمی ئاکەپە و مەهەپە بەم هێرشانە هیچ کاتێک ناگاتە ئامانجەکانی، ناتوانێت هەڵوێستی ژیانی ئازاد و دیموکراتی گەلی کوردستان و گەلانی هەرێمەکە بشکێنێت و لە بەرانبەر بەرخۆدان و تێکۆشانی گەلان تێکدەشکێت.
ئەو کوردانە قبوڵ مەکەن کە لەگەڵ گەلی کورد جێی خۆیان نەگرتووە و رەوایەتی بە هێرشی قڕکردنی مەهەپە و ئاکەپە دەدەن
هاوپەیمانی فاشیستی ئاکەپە – مەهەپەی دوژمنی کورد کە تاکە ئامانجی قڕکردنی هەموو گەلی کوردە. بە هێرشەکانی کە ١٩ی تشرینی دووەمی ٢٠٢٢ دەستیپێکرد، راستی قڕکەر و دوژمنایەتی کوردانی ئاکەپە و مەهەپەی بە شێوەیەکی ئاشکرا خستەڕوو و ئیرادەی ژیانی هاوبەش لەژێر هێرش و هەڕەشەدایە. دوای ئەم هێرشە گەلەکەمان بە هیچ شێوەیەک بەردەوامی ئەو هەڵوێستەی کە تاوەکو ئێستا لەگەڵ هێرشەکانیش هەندێک کورد جێی خۆیان لەگەڵ گەلی کورددا ناگرن و رەوایەتی بە هێرشی قڕکردنی ئاکەپە و مەهەپە دەدەن، قبوڵ ناکات.
پێویستە هیچ کوردێک لەبەرانبەر هێرشەکان بێدەنگ نەبێت
دەسەڵاتی قڕکەر و فاشیستی ئاکەپە و مەهەپە نە تەنیا پارچەیەکی کوردستان یان بەشێک لە کورد، بەڵکو لە چوار پارچەی کوردستان دەستی بە هێرش کردووە و هەموو کوردێکی کردووتە ئامانج. لە بەکارهێنانی چەکی کیمیایی بگرە تاوەکو بەکارهێنانی بۆردۆمان لەرێگەی فڕۆکەکانەوە، هەموو جۆرە رێبازێکی دەرەوەی مرۆڤایەتی و وێرانکەر، بە مەبەستی قڕکردنی کورد بە بەردەوامی لە هێرشەکانیدا بەکار دەهێنێت. پێویستە گەلی وڵاتپارێزی کوردستان لەدژی ئەو هێرشە بەردەوام و چڕانەی فاشیزمی ئاکەپە و مەهەپە دەست بە بەرخۆدانێکی بەردەوام بکات و لە هەموو شوێنێک بڕژێتە نێو گۆڕەپانەکان و نارەزایی پیشان بدات. پێویستە هیچ کوردێک لە بەرانبەر هێرشەکان بێوڵام نەمێنێتەوە و لە ماڵی خۆیدا دانەنیشێت. پێویستە بە توندی هەموو هێزە دەسەڵاتدارەکان کە بێدەنگیان هەڵبژاردووە و هاوکاری هێرشەکەن، شەرمەزار بکرێن.
ویستیان زەمینێک بۆ هێرشی فراوان لەدژی گەلی کورد و داگیرکردنی رۆژئاوا ئامادە بکەن
وەک پێشتریش بە رای گشتیمان راگەیاندبوو کە دەیانەوێت زەمینێکی بۆ هێرشی فراوان لەدژی گەلی کورد و داگیرکردنی رۆژئاوا ئامادە بکەن، لەبەرئەوە دیارە کە هێرشی تەقسیم لەلایەن دەسەڵاتی فاشیست، میت، سولەیمان سۆیلووە ئەنجامدراوە. تەقینەوەکەی تەقسیمی ئەستەنبوڵ بەم ئامانجە ئەنجامدرا. دوای تەقینەوەکە سەرۆکە فاشیستەکانی ئاکەپە و مەهەپە رۆژئاوایان کردو ئامانج و رایانگەیاند کە هێرش دەکەنەوە سەر رۆژئاوا. ئەم هێرشە نیاز و ئامانجی دەسەڵاتی فاشیستی بە شیوەیەکی ئاشکرا خستەڕوو.
هێرشکردنە سەر کورد لە بەرژەوەندی تورکیا و گەلانی تورکیادا نییە
حکومەتی فاشیستی ئاکەپە – مەهەپە پلانێکی تاریکی هەیە و بۆ مانەوە لە دەسەڵات پەنا بۆ هەموو جۆرە ڕێگایەکی قێزەون دەبات. پێویستە هەمووان ئەم ڕاستییە و پلانەکانی ئاکەپە-مەهەپە ببینن و لێی تێبگەن. هەروەها ئاکەپە – مەهەپە بە هێرشکردنە سەر کورد و هێرشکردنە سەر ڕۆژئاوا و داگیرکردنی ڕۆژئاوا دەیەوێت لە دەسەڵاتدا بمێنێتەوە و تورکیا بخاتە ناو پرۆسەیەکی تاریک و دواکەوتووەوە. بۆیە پێویستە گەلی کورد و گەلانی تورکیا و هێزەکانی دیموکراسیەکان و هەموو چین و توێژە پێشکەوتنخوازەکان کاردانەوەیان هەبێت بەرامبەر بەم پلان و هێرشە قڕکەر، قێزەون و تاریکانەی ئاکەپە-مەهەپە. پێویستە هەمووان بزانن کە هێرشکردنە سەر کورد لە بەرژەوەندی تورکیا و گەلانی تورکیادا نییە، خزمەت بە ئازادی و دیموکراسی ناکات. بەپێچەوانەوە هەر هێرشێک بۆ سەر کورد بە مانای هێرشکردنە سەر هەموو گەلانی تورکیا و دیموکراسی و ئازادیەکان دێت. لەبەر ئەم هۆکارە پێویستە هەموو لایەک کاردانەوەیان بە دەنگی بەرز لە بەرامبەر ئەم هێرشانەی دژی گەلی کورد هەبێت و لەگەڵ گەلی کورددابن.
ئەو هێزانەی کە هاوبەشی قڕکردنی کوردن
دەوڵەتی قڕکەری تورک بە ڕەزامەندی و پشتیوانیی هێزە هەژموونخوازەکان ئەم هێرشانە ئەنجام دەدات. پێش هەموو شتێک ئەمریکا و ڕووسیا، زلهێزەکان، بە پەسەندکردن و پاڵپشتیکردنی ئەم هێرشانە کە ئامانجیان قڕکردنی کوردە، نیشانی دەدەن کە لە کوشتنی کورددا هاوبەشن. پێویستە هەمووان ئەمە بزانن. ئەگەر ڕەزامەندی و پشتیوانیی هێزە هەژمونیەکان نەبێت، دەوڵەتی تورک ناتوانێت لەم ئاستەدا دەست بە هێرش بکات. گەلەکەمان ئاگاداری ئەو ڕاستییەیە و بێگومان بەو پێیە هەڵوێست و نزیکبوونەوەی خۆی دەردەبڕێت. ئەو کەس و لایەنانەی پشتیوانی ئازادی و دیموکراسی دەکەن دەبێ هەڵوێستیان هەبێت و لە بەرامبەر ئەم هێزانەدا بوەستنەوە کە پشتیوانی لە سیاسەتەکانی دەوڵەتی داگیرکەری تورک دژی کورد دەکەن و لە قڕکردنی گەلی کورددا هاوبەشی دەکەن.
پێویستە گەلەکەمان لە هەموو شوێنێک هەستێتە سەرپێ
هێرشەکانی هاوپەیمانی فاشیستی ئاکەپە-مەهەپە لەدژی ئاشتی هەرێمەکە و ئیرادەی گەلە بۆ پێکەوە ژیان. هاوپەیمانی فاشیستی ئاکەپە-مەهەپە دەیەوێت بە ئەنجامدانی قڕکردنی کورد سنوری میساقی – میللی بە دەست بهێنێت و هەژموونی خۆی لە ناوچەکەدا جێگیر بکات. دەستوەردان لە وڵاتانی ناوچەکەدا دەکات و لە قڕکردنی کورددا بەشداریان پێدەکات و بەمەش ئیرادەیان دەخاتە ژێر رکێفی خۆی. هەروەها پێویستە وڵاتانی ناوچەکە بزانن تا بێدەنگ بن یان ببنە هاوبەشی هێرشەکانی دژی کورد، ئیرادەی خۆیان لەدەست دەدەن و دەبنە یاریەک کە خزمەت بە دەوڵەتی تورکیا دەکەن. بۆیە نەک هەر کورد، پێویستە ئەوانیش دژایەتی ئەم هێرشانەی دەوڵەتی تورک بکەن و نەبنە هاوبەش.
ئێمە جارێکی دیکە ئەم هێرشە قڕکەرە شەرمەزار دەکەین و داوا لە هەموو لایەک دەکەین کاردانەوە لە بەرامبەر هێرشە قڕکەرەکان نیشان بدەن و تێکۆشان فراوانتر بکەن. پێویستە گەلەکەمان لە هەر چوار پارچە و دەرەوەی وڵات لە هەر شوێنێک بێت هەستێتە سەرپێ و لە گۆڕەپانەکاندا کاردانەوەی هەبێت. هێرشەکانی هاوپەیمانی فاشیستی ئاکەپە-مەهەپە کە ئامانجیان لە ناوبردنی گەلی کوردستانە، تەنیا بە کاردانەوەی توند و خەباتی گشتگیر دەتوانرێت ڕابگیرێت."
ف.ق
