پارتی هەرێمە دیموکراتیکەکان (دەبەپە) و پارتی یەکسانی و دیموکراسیی گەلان (هەدەپ) و چەندین بزووتنەوە و لایەن و کەسێتی و هاوڵاتی بەشداری کۆبوونەوەکە بوون.

لە هۆڵەکەدا، پانکارتی "بە ڕێبەرێتی ئازاد، بەرەو ڕزگاریی دیموکراتیک" و "بە ژن، ژیان، ئازادی بەرەو ئازادی" هەڵواسران. پاش ڕێزگرتن لە شەهیدانی ئازادی چەند وتەیەک پێشکەش کرا.

هاوسەرۆکی دەبەپە، ساڵیحە ئایدەنیز، ئاماژەی کرد بە گۆشەگیریی سەر ڕێبەری گەلی کورد عەبدوڵا ئۆجالان و گوتی: "ئێمە ئیتر ئازادی بەڕێز ئۆجالانمان دەوێت. لە 18 ی تشرینی دووەم بۆ ئازادی بەڕێز ئۆجالان بەرەو گەملیک ڕێپێوان دەکەین".

پاشان هاوڵاتیان سەرنج و ڕەخنە و پێشنیارەکانیان خستەڕوو. دووپاتیان کردەوە، پێویستە چالاکییەکان فراوانتر و درێژخایەنتر بن. هاوڵاتییەک گوتی: "ئەمڕۆ گۆشەگیری لەسەر هەموومانە. ژیان و خاکەکەمان و کوردستانەکەمان لەژێر گۆشەگیریدایە. بۆ هەڵگرتنی ئەم گۆشەگیرییە، بێجگە لە ئازادی بەڕێز ئۆجالان چارەی ترمان نییە. پێویستە لەسەر ئەم بناغەیە پلانسازی بکەین".

هاوڵاتییەکی تر گوتی: "ڕێبەری گەلی کورد عەبدوڵا ئۆجالان ڕۆژی ئێمەیە. گەلی کوردیش مێروولەیە. پێویستە وەک مێروولە کاربکەین. پێویستە وەک مێروولە خۆڕاگر و پێداگر بین".