کوردستانیان لە مۆسکۆی پایتەختی ڕووسیا، ٤٦ـەمین ساڵوەگەڕی دامەزراندنی پارتی کرێکارانی کوردستانیان بە ئاهەنگێک پیرۆز کرد. ئاهەنگەکە لە ماڵی کولتووری میر بەڕێوەچوو. نوێنەری لایەنە سیاسییەکان، ڕێکخستنەکانی ژنان و بەسەدان کوردستانی و دۆستانیان بەشدارییان لە ئاهەنگەکەدا کرد.

ئاهەنگەکە بە خولەکێک بێدەنگی وەستان بۆ یادی شەهیدانی ڕێگای ئازادی دەستیپێکرد و دواتر ڕەشاد بێناڤ نوێنەری باکوور و ڕۆژهەڵاتی سوریا لە ڕووسیا و ئەندامی ڕێکخستنی ژنانی کوردی نێونەتەوەیی گوهار حەسەن و عاراف ئەزمانی، لە سەر مانا و گرنگی سەرهەڵدانی پەکەکە وتاریان پێشکەشکرد.

دوای وتارەکان، ئاهەنگەکە دەستیپێکرد و گۆرانیبێژ حەمید مەجید و هونەرمەند دەلیل لەزگیێڤ و گۆرانیبێژ لەیلا مکۆیان بەرهەکانیان پێشکەش کرد. هەروەها گروپی سەمای کوردی "رووکەن" و گروپی سەمای یۆنانی Philoxenia  بەیەکەوە بەرهەمێکی سەمایان پێشکەش کرد.

ئاهەنگەکە تا درەنگانی شەو بەردەوام بوو.