ئەمڕۆ لە عەفرین ژمارەیەک گەنج دژی تاوانەکانی چەتەکانی دەوڵەتی تورک و کوشتنی منداڵێک بە ناوی مستەفا شێخۆ، خۆپیشاندانیان ئەنجامدا.

بەگوێرەی زانیارییەکان، خۆپیشاندانەکە لە چوارڕیانی نەورۆزی شاری عەفرین دەستی پێ کردووە. بەپێی سەرچاوەکان، چەتەکان تەقەیان لە خۆپیشاندەران کردووە و ژمارەیەک گەنجیان بەرەو جێیەکی نادیار ڕفاندووە.

دوێنێ چەتەکانی دەوڵەتی تورک لە گوندی حاج حسنۆی شاری جندریسە، منداڵێکیان بە ناوی مستەفا جەمیل شێخۆ کوشت. ئەم تاوانە ناڕەزایەتیی بەرفراوانی لێ کەوتەوە.