دوێنێ شەو سوپای تورکی داگیرکەر لە ناوچەکانی چیای باگۆکی مێردین دەستی بە ئۆپەراسیۆنی سەربازی کرد. بەهۆی ئۆپەراسیۆنەکەوە لە هەندێک لە گوند و لادێکانی ئەو ناوچەیە قەدەغەى هاتوچۆ ڕاگەیاندرا.
سوپای تورکی داگیرکەر دوێنێ شەو لە دامین و ناوچەکانی چیای باگۆک لە ناوچەى نسێبینی مێردینەوە دەستی بە ئۆپەراسیۆنی سەربازی کرد. بە هەلیکۆپتەر سەرباز دەگوێزرێتەوە بۆ چیای باگۆک و هاوکات لە گوندەکانی مەربابێ و کێڵگەکانیدا هاتوچۆ و جموجوڵی هاووڵاتییان قەدەغە کرا.
بەپێی ئەو ڕاگەیاندراوەی پارێزگاری دەوڵەتی تورک لە مێردین بڵاویکردووەتەوە، قەدەغەى هاتوچۆ لە هاووڵاتییان لە ناوچانەدا تاوەکو بڵاوکردنەوەى ڕاگەیاندراوی دووەم بەردەوام دەبێت.
ژ.ت
